ନୂଆଦିଲ୍ଲୀ : ଯଦି ଆପଣ କୌଣସି ସାଧାରଣ ଇ-ବାଇକ୍ ଚଳାଇ ଥକି ଗଲେଣି ଏବଂ ପେଟ୍ରୋଲ ବାଇକ୍ ଭଳି ଷ୍ଟାଇଲିସ୍ ଇ-ବାଇକ୍ ଖୋଜୁଛନ୍ତି ତେବେ ଆପଣଙ୍କ ପାଇଁ ଏକ ଉତ୍ତମ ବିକଳ୍ପ ଆସିଛି । ଆଜି ଆମେ ଆପଣଙ୍କୁ ଏମିତି ଏକ ବାଇକ୍ ସମ୍ପର୍କରେ ଜଣାଇବୁ ଯାହାର ଲୁକ୍ ଏବଂ ଫିଚର୍ ଆପଣଙ୍କୁ ଚକିତ କରିବ । ଏହି ବାଇକର ନାଁ Odysse evoqis ଯାହାର ଡିଜାଇନ୍ ଏବଂ ଫିଚର୍ ବହୁତ ଦମଦାର ।
ଏହା ଏକ ହାଇଟେକ୍ ଏବଂ ସ୍ପୋର୍ଟି ଡିଜାଇନ୍ ସହିତ ଆସୁଛି । ଏଥିରେ ଏଲଇଡି ହେଡଲାଇଟ୍ସ, ଟେଲଲାଇଟ୍ସ ଏବଂ ଟର୍ଣ୍ଣ ଇଣ୍ଡିକେଟର ମିଳିଥାଏ । ଓଡିସୀ ଇଭୋକ୍ସରେ ଏକ ପାଓ୍ବରଫୁଲ୍ ଇଲେକ୍ଟ୍ରିକ୍ ମୋଟର ରହିଛି ଯାହା ସ୍ପିଡ୍ ଏବଂ କ୍ବିକ୍ ଟର୍କ ପ୍ରଦାନ କରିଥାଏ । ଏହାର ସର୍ବାଧିକ ସ୍ପିଡ୍ ପ୍ରାୟ ୮୦ କିଲୋମିଟର ପ୍ରତିଘଣ୍ଟା । ଏହାର ବ୍ୟାଟେରୀ କ୍ଷମତା ୪.୩୨ କିଲୋଓ୍ବାଟ୍ ।
ଓଡିସୀ ଇଭୋକ୍ସରେ ଥରେ ଚାର୍ଜ କଲେ ୧୪୦ କିଲୋମିଟର ଯାତ୍ରା କରିହେବ । ଏଥିରେ ଅନେକ ଅତ୍ୟାଧୁନିକ ଫିଚର ରହିଛି ଯଥା ଇନଷ୍ଟ୍ରୁମେଣ୍ଟ କ୍ଲଷ୍ଟର, ଆଣ୍ଟି ଥେଫ୍ଟ ଆଲାର୍ମ ଓ ମୋବାଇଲ କନେକ୍ଟିଭିଟି । ଏଥିରେ ଆରାମଦାୟକ ସିଟ୍ ଏବଂ ଉତ୍ତମ ସସପେନ୍ସନ ମଧ୍ୟ ଦିଆଯାଇଛି । ଓଡିସୀ ଇଲେକ୍ଟ୍ରିକ୍ ଏଭୋକିସର ଦାମ୍ ୧.୭୧ ଲକ୍ଷ ଟଙ୍କା(ଏକ୍ସ-ଶୋରୁମ୍) ରଖିଛି କମ୍ପାନୀ ।
