ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମନ କି ବାତରେ ‘ହୁଲ ଦିବସ’ ବିଷୟରେ କହିଛନ୍ତି। ଜୁନ୍ ୩୦ ତାରିଖରେ ଏହି ଦିବସ ପାଳନ କରାଯାଏ। ଏହାକୁ ଏକ ଗୁରୁତ୍ୱପୂର୍ଣ୍ଣ ଦିନ ବୋଲି ଶ୍ରୀ ମୋଦୀ କହିଛନ୍ତି। ସେ କହିଛନ୍ତି, ବିଦେଶୀ ଶାସକଙ୍କ ଅତ୍ୟାଚାରକୁ ଦୃଢ଼ ବିରୋଧ କରିଥିବା ବୀର ସିଦ୍ଧୁ-କାହ୍ନୁଙ୍କ ଅଦମ୍ୟ ସାହସ ସହିତ ଏହି ଦିବସ ଜଡ଼ିତ। ବୀର ସିଦ୍ଧୁ-କାହ୍ନୁ ହଜାର ହଜାର ସାନ୍ଥାଳୀ ଦେଶବାସୀଙ୍କୁ ଏକାଠି କରିଥିଲେ ଏବଂ ଇଂରେଜମାନଙ୍କ ସହ ନିଜର ସମସ୍ତ ଶକ୍ତି ସହିତ ଲଢ଼ିଥିଲେ। ଏହା ୧୮୫୫ ମସିହାରେ ଘଟିଥିଲା, ଅର୍ଥାତ୍ ୧୮୫୭ ମସିହାରେ ଭାରତର ପ୍ରଥମ ସ୍ୱାଧୀନତା ସଂଗ୍ରାମର ଦୁଇ ବର୍ଷ ପୂର୍ବରୁ ଏହା ଘଟିଥିଲା। ତା’ପରେ ଝାଡ଼ଖଣ୍ଡର ସାନ୍ଥାଳୀ ପ୍ରଗଣାରେ ଆମ ଆଦିବାସୀ ଭାଇ ଭଉଣୀମାନେ ବିଦେଶୀ ଶାସକଙ୍କ ବିରୋଧରେ ଅସ୍ତ୍ରଶସ୍ତ୍ର ଉଠାଇଥିଲେ।
ଇଂରେଜମାନେ ଆମ ସାନ୍ଥାଳୀ ଭାଇ ଭଉଣୀମାନଙ୍କ ଉପରେ ଅନେକ ଅତ୍ୟାଚାର କରିଥିଲେ ଏବଂ ସେମାନଙ୍କ ଉପରେ ଅନେକ ପ୍ରକାର ପ୍ରତିବନ୍ଧକ ମଧ୍ୟ ଲଗାଇଥିଲେ। ବୀର ସିଦ୍ଧୁ ଏବଂ କାହ୍ନୁ ଏହି ସଂଗ୍ରାମରେ ଆଶ୍ଚର୍ଯ୍ୟଜନକ ସାହସିକତା ପ୍ରଦର୍ଶନ କରି ସହିଦ ହୋଇଥିଲେ। ଝାଡ଼ଖଣ୍ଡ ମାଟିର ଏହି ଅମର ପୁତ୍ରମାନଙ୍କର ସର୍ବୋଚ୍ଚ ବଳିଦାନ ଆଜି ବି ଦେଶବାସୀଙ୍କୁ ପ୍ରେରଣା ଦେଉଛି ବୋଲି ସେ ମୋଦୀ କହିଛନ୍ତି।
