ଅବକାରୀ ଦୁର୍ନୀତି ମାମଲାରେ ମାର୍ଚ୍ଚ ୨୦ ତାରିଖ ପର୍ଯ୍ୟନ୍ତ ନ୍ୟାୟିକ ହେପାଜତକୁ ଗଲେ ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ  ମନୀଷ ସିସୋଦିଆ

ନୂଆଦିଲ୍ଲୀ – ଅବକାରୀ ଦୁର୍ନୀତି ମାମଲାରେ ଦିଲ୍ଲୀର ପୂର୍ବତନ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆକୁ ମାର୍ଚ୍ଚ ୨୦ ତାରିଖ ପର୍ଯ୍ୟନ୍ତ ନ୍ୟାୟିକ ହେପାଜନତକୁ ପଠାଯାଇଛି । ଅବକାରୀ ଦୁର୍ନୀତି ମାମଲାରେ ସିସୋଦିଆକୁ ସିବିଆଇ ଗିରଫ କରିଛି । ଆମ୍‌ ଆଦମୀ ପାର୍ଟିର ଏହି ବରିଷ୍ଠ ନେତାଙ୍କୁ ପୁଲିସ ଫେବ୍ରୁଆରୀ ୨୬ ତାରିଖରେ ଗିରଫ କରିଥିଲା ।

ଏବେ ସିବିଆଇ ତାଙ୍କୁ ରିମାଣ୍ଡରେ ନେବା ପାଇ ଆବେଦନ କରିନାହିଁ , ମାତ୍ର ଆସନ୍ତା ୧୫ ଦିନ ମଧ୍ୟରେ କରିପାରି ବୋଲି ସିବିଆଇର ଆଇନଜୀବୀ କହିଛନ୍ତି । ସିବିଆଇ ତଦନ୍ତ କରିବା ସହ ଦୁର୍ନୀତି ବିଷୟରେ ପ୍ରମାଣ ପାଇଛି ବୋଲି ସେ କହିଛନ୍ତି ।

ଅଦାଲତଙ୍କ ଏହି ନିର୍ଦେଶ ପରେ ସିସୋଦିଆଙ୍କ ଓକିଲ ତାଙ୍କ ପାଇଁ ଗୋଟେ ହଳ ଚଷମା , ଡାଏରୀ , କଲମ ଏବଂ ଗୀତା ବହି ନେବା ପାଇଁ ଆବେଦନ କରିଥିଲେ । ଅଦାଲତ ଏହାକୁ ନେବା ପାଇଁ ଅନୁମତି ଦେଇଛନ୍ତି । ଏହା ସହ ତାଙ୍କର ଆବଶ୍ୟକୀୟ ଔଷଧ ନେବା ପାଇଁ ଅନୁମତି ଦିଆଯାଇଛି । ତାଙ୍କୁ ଜେଲ୍‌ର ଧ୍ୟାନ ଗୃହରେ ରଖିବା ପାଇଁ ବିଚାର କରିବାରୁ ଜେଲ୍‌ କର୍ତ୍ତୃପକ୍ଷଙ୍କୁ ଅଦାଲତ ପରାମର୍ଶ ଦେଇଛନ୍ତି ।