ସମାଜ ଡିଜିଟାଲ ଡେସ୍କ: ମଣିପୁରରେ ପୁଣି ଥରେ ମୈତେଇ ସଂଗଠନର ଅରାମ୍ବାଇ ତେଙ୍ଗୋଲଙ୍କର ନେତା କାନନ ସିଂହଙ୍କ ଗିରଫଦାରୀ ପରେ ରାଜ୍ୟରେ ପୁଣି ଥରେ ହିଂସା ଦେଖାଦେଇଛି । ସେ ୨୦୨୩ ମଣିପୁର ହିଂସାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ସେହି ସମୟରେ ସେ ଅନେକ ଅପରାଧିକ କାର୍ଯ୍ୟକଳାପରେ ଜଡିତ ଥିଲେ । ବର୍ତ୍ତମାନ ତାଙ୍କୁ ପୁଣି ଥରେ ପୁଲିସ ହେପାଜତକୁ ନିଆଯାଇଛି । ଯାହା ପରେ ରାଜ୍ୟର ପରିସ୍ଥିତି ଆହୁରି ଖରାପ ହେବାରୁ ୫ଟି ଜିଲାରେ ଇଣ୍ଟରନେଟ ସେବା ବନ୍ଦ କରାଯାଇଛି । ଏନେଇ ସୁରକ୍ଷାବାହିନୀ ଓ ବିଧାୟକମାନେ ରାଜ୍ୟପାଳଙ୍କ ସହିତ ଜରୁରୀ ବୈଠକ କରିଛନ୍ତି ।
ରାଜ୍ୟରେ ହିଂସା ପରିସ୍ଥିତିକୁ କିପରି ନିୟନ୍ତ୍ରଣ କରାଯିବ ସେନେଇ ସମୀକ୍ଷା କରିବା ସହ ଆଲୋଚନା କରିଛନ୍ତି ରାଜ୍ୟପାଳ ।
ମଣିପୁରରେ ହିଂସାକାଣ୍ଡ ଘଟାଇବାର କାରଣ ହେଉଛି କାନନ ସିଂହଙ୍କ ଗିରଫଦାରୀ । କାନନ ସିଂହଙ୍କୁ ୨୦୨୩ ରେ ଘଟିଥିବା ହିଂସାକାଣ୍ଡର ମୁଖ୍ୟ ଅଭିଯୁକ୍ତ ବୋଲି ବିବେଚନା କରାଯାଏ । ସେ ଅନେକ ଅପରାଧିକ କାର୍ଯ୍ୟକଳାପର ଷଡଯନ୍ତ୍ରକାରୀ ଭାବେ ଗିରଫ ହୋଇଛନ୍ତି । କାନନଙ୍କୁ ଶନିବାର ଇମ୍ଫାଲ ବିମାନବନ୍ଦରରେ ଗିରଫ କରାଯାଇଥିଲା । ଗିରଫ ହେବା ପୂର୍ବରୁ ବିକ୍ଷୋଭକାରମାନେ ବିମାନବନ୍ଦରରେ ପହଞ୍ଚି ଘେରାଉ କରିଥିଲେ ।
