ମୁମ୍ବାଇ : ପୁଷ୍ପା-୨ ସିନେମାଘରେ ହାଉସଫୁଲ୍ ହୋଇ ଆଗେଇ ଚାଲିଛି । ଫିଲ୍ମକୁ ଦର୍ଶକଙ୍କ ଭରପୁର ଭଲପାଇବା ମିଳୁଛି । ମାତ୍ର କିଛି ଦିନରେ ୪୦୦-୫୦୦ କୋଟି ଟଙ୍କା ଖର୍ଚ୍ଚରେ ପ୍ରସ୍ତୁତ ହୋଇଥିବା ଫିଲ୍ମ ନିଜ ମୂଳ ଖର୍ଚ୍ଚ ଆଦାୟ କରିସାରିଲାଣି । ବକ୍ସ ଅଫିସରେ ଭଲ ଆୟ କରୁଥିବା ଫିଲ୍ମକୁ ନେଇ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି । ଭାଇରାଲ ଭିଡିଓରେ ପୁଷ୍ପା ଶାଢି ଲୁକରେ ଜଣେ ଯୁବକ ନଜର ଆସୁଛନ୍ତି । ଇନଷ୍ଟାଗ୍ରାମରେ ଭାଇରାଲ ହେଉଥିବା ଏହି ଭିଡିଓରେ ଭିନ୍ନ ଭିନ୍ନ ପ୍ରତିକ୍ରିୟା ମିଳୁଛି ।
View this post on Instagram
ଭିଡିଓରେ ଏକ ସିନେମାଘର ନଜର ଆସୁଛି । ଏଥିରେ ହଲର ଏଗଜିଟ୍ ଗେଟରୁ ପୁଷ୍ପା ଅବତାରରେ ଜଣେ ଯୁବକ ପ୍ରବେଶ କରୁଛନ୍ତି । ଏଥିରେ ପୁଷ୍ପାର ଶାଢି ଲୁକକୁ କପି କରାଯାଇଛି । ବେକରେ ଲେମ୍ବୁ ମାଳ ଓ ଫୁଲ ମାଳ ନଜର ଆସୁଛି । ଏହି ସମୟରେ ସିନେମା ହଲରେ ଥିବା ଦର୍ଶକମାନେ ଏହି ଦୃଶ୍ୟ ଦେଖି ଚକିତ ହେଉଛନ୍ତି ଏବଂ କିଛି ଲୋକ ଏହାର ଭିଡିଓ ଉତ୍ତୋଳନ କରୁଛନ୍ତି ।
ଭିଡିଓଟି ଏବେ ଭାଇରାଲ ହେବାରେ ଲାଗିଛି । ଏପର୍ଯ୍ୟନ୍ତ ୭୦ ଲକ୍ଷରୁ ଅଧିକ ଲୋକ ଭିଡିଓକୁ ଦେଖିସାରିଛନ୍ତି । ଅଢେଇ ଲକ୍ଷରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି । ସମସ୍ତେ ଏଥିରେ ପ୍ରତିକ୍ରିୟା ରଖିବା ସହ ଭିଡିଓକୁ ସେୟାର କରୁଛନ୍ତି ।
