କଣ୍ଟାବାଞ୍ଜି: କଣ୍ଟାବାଞ୍ଜି ଖରିଆର ୪୨ନଂ ରାଜ୍ୟ ରାଜପଥ, ବଙ୍ଗୋମୁଣ୍ଡା ସରାଫ ଢ଼ାବା ନିକଟରେ ଏକ କାର ଧକ୍କାରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତକ ହେଲେ ଦେଓଗାଁ ଥାନା ବେଲାରପାଲି ଗାଁର ପୂର୍ଣ୍ଣଚନ୍ଦ୍ର ନନ୍ଦ।
ସୂଚନା ଅନୁସାରେ, ପୂର୍ଣ୍ଣଚନ୍ଦ୍ର ଏକ ପିକଅପ ଭ୍ୟାନ ଚଳାଉଥିଲେ। ସେ ଉକ୍ତ ଭ୍ୟାନରେ ଔଷଧ ବିତରଣ ପାଇଁ ନେଉଥିବାବେଳେ ଗାଡି ଅଟକାଇ ଗାଡି ପଛପଟେ ପରିସ୍ରା କରୁଥିଲେ। ଏହି ସମୟରେ ଏକ କାର ଦ୍ରୁତଗତିରେ ଆସି ପୂର୍ଣ୍ଣଚନ୍ଦ୍ରଙ୍କୁ ଧକ୍କା ଦେଇଥିଲା। ଫଳରେ ପୂର୍ଣ୍ଣଚନ୍ଦ୍ରଙ୍କ ଦୁଇ ଗୋଡ଼ କଟିଯାଇଥିଲା। ଗୁରୁତର ଅବସ୍ଥାରେ ବଙ୍ଗୋମୁଣ୍ଡା ପୁଲିସ ତାଙ୍କୁ ଉଦ୍ଧାର କରି ଚିକିତ୍ସା ପାଇଁ କଣ୍ଟାବାଞ୍ଜି ଡାକ୍ତରଖାନାରେ ଭର୍ତ୍ତି କରିଥିଲେ। ହେଲେ ଅତ୍ୟଧିକ ରକ୍ତସ୍ରାବ ହେବାରୁ ତାଙ୍କର ମୃତ୍ୟୁ ଘଟିଥିବା ଡାକ୍ତର ଘୋଷଣା କରିଥିଲେ। ପୁଲିସ ଉଭୟ ଗାଡିକୁ ଜବତ କରିବା ସହ ଦୁର୍ଘଟଣା ଘଟାଇଥିବା ଡ୍ରାଇବରକୁ ଅଟକ ରଖି ତଦନ୍ତ ଜାରି ରଖିଛି।
