ନକ୍ସଲ ନାଁରେ ବଟି ଆଦାୟକୁ ନେଇ ମାଓ ପୋଷ୍ଟର
![](https://samajalive.in/wp-content/uploads/2024/02/Presentation1-3-750x430.jpg)
ଚିତ୍ରକୋଣ୍ଡା: ଦୀର୍ଘ ଦିନର ନିରବତା ପରେ ପୁଣି ମାଲକାନଗିରିରେ ସକ୍ରିୟ ହୋଇଉଠିଛି ମାଓ ସଙ୍ଗଠନ। ମଙ୍ଗଳବାର ଚିତ୍ରକୋଣ୍ଡା ବ୍ଲକ କାଲିମେଳା ଥାନା ଅନ୍ତର୍ଗତ ମସୁଘଟି, ପଟେଲ, ପପୁଲୁର ୩ଟି ଗ୍ରାମରେ ଆନ୍ଧ୍ର ଓଡିଶା ସୀମାନ୍ତ ମାଓ ସଂଗଠନ ସଂପାଦକ ଗଣେଶ ପକ୍ଷରୁ ପୋଷ୍ଟର ଲଗାଯାଇଛି। ବିଭିନ୍ନ ସ୍ଥାନରେ ତେଲୁଗୁ ଓ ଓଡ଼ିଆ ଭାଷାରେ ପୋଷ୍ଟର ଲଗାଇଥିବା ଦେଖିବାକୁ ମିଳିଛି।
ପୋଷ୍ଟରରେ ବଙ୍ଗପୁଟ, ରଙ୍ଗବେଲ, କଣ୍ଡୁରମ୍ ଗ୍ରାମରେ ରମେଶ ରାକେଶ,ସପ୍ନ, ତୁଲେଶି ମାଓ ସଂଗଠନ ନାଁରେ ବଟଇ ଆଦାୟ କରୁଥିବା ପୋଷ୍ଟରରେ ଉଲ୍ଲେଖ ରହିଛି। ଏମାନେ ପୂର୍ବରୁ ମାଓ ସଂଗଠନରେ ସକ୍ରିୟ ରହି କାର୍ଯ୍ୟ କରୁଥିଲେ। ବର୍ତମାନ ସେମାନେ ସଂଗଠନ ଛାଡି ଠିକାଦାର ଓ ଲୋକଙ୍କ ଠାରୁ ବଟି ଆଦାୟ କରୁଛନ୍ତି ଏବଂ ମାଓ ସଂଗଠନକୁ ବଦନାମ କରୁଛନ୍ତି। ତେଣୁ ସେମାନଙ୍କୁ ମାଓବାଦୀ ପାର୍ଟି ରୁ ବହିସ୍କାର କରାଯାଇଥିବା ଏହି ପୋଷ୍ଟର ରେ ଉଲ୍ଲେଖ ରହିଛି। ସେହିଭଳି ସେମାନେ ଗ୍ରାମକୁ ଆସିଲେ ସେମାନଙ୍କୁ ସହଜଯୋଗ ନକରି ବାନ୍ଦି ରଖିବା ପାଇଁ କୁହାଯାଇଛି। ପୁଲିସ ଏହି ପୋଷ୍ଟରକୁ ଜବତ କରିଛି।
Comments are closed.