ମାଲକାନଗିରି ଜିଲ୍ଲା ଦେଇ ପ୍ରବାହିତ ପ୍ରମୁଖ ନଦୀଗୁଡିକରୁ ଜଳସ୍ଥର ହ୍ରାସ ପାଉଥିବାରୁ ବନ୍ୟା ପରିସ୍ଥିତିରେ କ୍ରମଶଃ ଉନ୍ନତି ଦେଖାଦେଇଛି। ସପ୍ତଧାରା, ସାବେରୀ, ସିଲେରୁ, ପୋଟେରୁ ନଦୀରେ ଜଳସ୍ତର ହ୍ରାସ ପାଇବା ଫଳରେ ସାଧାରଣ ଜୀବନଯାତ୍ରା ସ୍ୱାଭାବିକ ହେଉଛି।
ବିଶେଷ ଭାବରେ ମାଲକାନଗିରି-କାଲିମେଳା ୩୨୬ ନମ୍ବର ଜାତୀୟ ରାଜପଥର କାଙ୍ଗୁରୁକୋଣ୍ଡା ପୋଲ ଉପରୁ ବନ୍ୟା ଜଳ ଛାଡିବା ପରେ ସେହି ରୁଟରେ ପୁଣି ଯାତାୟାତ ଆରମ୍ଭ ହୋଇଛି। କନ୍ୟାଶ୍ରମ ପୋଲ ଉପରୁ ମଧ୍ୟ ପାଣି ଛାଡିବା ପରେ କାଲିମେଳା-ପଡ଼ିଆ ମଧ୍ୟରେ ଯୋଗାଯୋଗ ସମ୍ଭବ ହୋଇଛି। ଅନ୍ୟପକ୍ଷରେ ପୋଟେରୁ ବ୍ରିଜ୍, ପାଙ୍ଗାମ, ଏମଭି-୯୬ ପୋଲରୁ ବନ୍ୟା ଜଳ ହ୍ରାସ ପାଇଛି।
- Advertisement -
ତେବେ ଗୋଦାବରୀ ନଦୀର ବନ୍ୟା ଜଳ ମାଡିଯିବାରୁ ମୋଟୁ ପଚାଂୟତର ବିଭିନ୍ନ ଗ୍ରାମ ପାଣିଘେରରେ ରହିଛି। ମାଲକାନଗିରି ବିଧାୟକ ଆଦିତ୍ୟ ମାଢ଼ି ଗତକାଲି ମୋଟୁ ବନ୍ୟାଚଂଳ ପରିଦର୍ଶନ କରିବା ସହ ମୋଟୁ ତହସିଲଦାର ଓ କାଲିମେଳା ବିଡ଼ିଓଙ୍କ ସହିତ ବନ୍ୟା ପରିସ୍ଥିତି ଓ ବିପନ୍ନଙ୍କ ଥଇଥାନ ନେଇ ଆଲୋଚନା କରିଥିଲେ।
