ଗୁରୁଡିଝାଟିଆ: ଭାରତୀୟ ଜନତା ପାର୍ଟିର ଆଠଗଡ ନିର୍ବାଚନ ମଣ୍ଡଳୀ ବିଧାୟକ ପ୍ରାର୍ଥୀ ଅଭୟ କୁମାର ବାରିକ ଆଜି ନାମାଙ୍କନପତ୍ର ଦାଖଲ କରିଛନ୍ତି। ଆଠଗଡ଼ ଉପଜିଲାପାଳଙ୍କ ନିକଟରେ ସେ ତାଙ୍କର ନାମାଙ୍କନପତ୍ର ଦାଖଲ କରିଛନ୍ତି।
ଆଜି ଶ୍ରୀ ବାରିକ ବିଶାଳ ଶୋଭାଯାତ୍ରାରେ ଖୁଣ୍ଟୁଣୀ କଲେଜ ନିକଟସ୍ଥ ଗାନ୍ଧୀ ପଡିଆରୁ ବାହାରି ଆଠଗଡ ଅଭିମୁଖେ ନାମାଙ୍କନ ପତ୍ର ଦାଖଲ କରିବା ପାଇଁ ଯାଇଥିଲେ। ନବେଢା ଓ ନଦୀକୂଳ ଅଞ୍ଚଳର ଶହଶହ ବିଜେପି ସମର୍ଥକ ଗାନ୍ଧୀହାଟ ପଡିଆରେ ଏକଜୁଟ ହେବାପରେ ବାଇକ ଶୋଭାଯାତ୍ରାରେ ବାହାରିଥିଲେ। ଖୁଣ୍ଟୁଣୀ, ଭୋଗରା, ତୋଟାପଡା, କୁଲାଇଲୋ, ଉଦୟପୁର, ଦୋରଡ, ହେମମାଳପୁର ଦେଇ ଶୋଭାଯାତ୍ରା ଆଠଗଡ ମହୋତ୍ସବ ପଡିଆରେ ପହଞ୍ଚିଥିଲା।
ପରିବର୍ତ୍ତନ ବାର୍ତ୍ତା ଦେଇ ଆଠଗଡରେ ପଦ୍ମଫୁଲକୁ ଜିତାଇବା ନିମନ୍ତେ କର୍ମୀମାନେ ନାରା ଦେଇଥିଲେ। ଆଠଗଡ ସହରରେ ପହଞ୍ଚିବା ପରେ ସମର୍ଥକମାନେ ଶ୍ରୀ ବାରିକଙ୍କୁ କାନ୍ଧରେ ବସାଇ ଉପଜିଲାପାଳ କାର୍ଯ୍ୟାଳୟ ପର୍ଯ୍ୟନ୍ତ ନେଇଯାଇଥିଲେ। ଦଳୀୟ ଜିଲା ସଭାପତି ରାମନାରାୟଣ ମହାନ୍ତି , ବରିଷ୍ଠ ବିଜେପି ନେତା ବ୍ରଜେନ୍ଦ୍ର ରାୟ, ପ୍ରକାଶ ଚନ୍ଦ୍ର ସେଠୀ, ବିକ୍ରମ ଦାସ ,ରମେଶ ରାଉତ ଙ୍କ ସହିତ ଆଗଧାଡିର ବିଜେପି କର୍ମୀ , ସମର୍ଥକ ,ମହିଳା ଓ ଯୁବକମାନେ ଉତ୍ସାହର ସହିତ ନାମାଙ୍କନ ପତ୍ର ଶୋଭାଯାତ୍ରାରେ ସାମିଲ ହୋଇଥିଲେ।
Comments are closed.