ମାଲକାନଗିରି : ପାହାଡ ଉପରେ ଗାଁ ,ଉପଯୁକ୍ତ ରାସ୍ତା ନଥିବା ଯୋଗୁଁ ଗ୍ରାମକୁ ପହଞ୍ଚିଲାନି ଆମ୍ବୁଲାନ୍ସ । କ।ଉଡିରେ ବୁହା ହେଲେ ରୋଗୀ । ମାଲକାନଗିରି ଜିଲ୍ଲାର ଖଇରପୁଟ ବ୍ଲକ ସ୍ଥିତ ରାସବେଡା ପଞ୍ଚାୟତର ତାଗବେଡା ଗ୍ରାମରେ ଏଭଳି ଘଟଣା ଦେଖିବାକୁ ମିଳିଛି।
ସୂଚନା ମୁତାବକ ଏହି ଗ୍ରାମଟି ପାହାଡ ଉପରେ ରହିଥିବା ବେଳେ ଲୋକେ ପାହାଡ ଉପର ପ।ଦ ଚଲା ରାସ୍ତା ଦେଇ ଚାଲି ଚାଲି ଯାତାୟତ କରନ୍ତି । ବର୍ଷା ଦିନ ହେଲେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ତେବେ ଏହି ଗ୍ରାମର ସମରା ଶିଶା ରୋଗାକ୍ରାନ୍ତ ହୋଇ ଗୁରୁତର ହୋଇ ପଡିଥିଲେ । ପରିବାର ଲୋକେ ସ୍ଥାନୀୟ ଆଶା କର୍ମୀଙ୍କୁ ଖବର ଦେବା ପରେ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ । ତେବେ ରାସ୍ତା ଖରାପ ଯୋଗୁଁ ଆମ୍ବୁଲାନ୍ସ ଘାଟି ଉପରକୁ ଯାଇପାରିଲା ନାହିଁ । ଫଳରେ ସମ୍ପୃକ୍ତ ରୋଗୀଙ୍କୁ ଏକ ଡାଲରେ କ।ଉଡି କରି ପ୍ରାୟ ତିନି କିଲୋମିଟରରୁ ଉର୍ଦ୍ଧ୍ବ ବାଟ ଚାଲି ଚାଲି ରୋଗୀକୁ ପରିବାର ଲୋକେ ମୁଖ୍ୟ ରାସ୍ତା ପର୍ୟ୍ୟନ୍ତ ବୋହି ଆଣିଥିଲେ । ସାଙ୍ଗରେ ପରିବାର ଲୋକେ ମଧ୍ୟ ଚାଲି ଚାଲି ଆସିଥିଲେ । ଆମ୍ବୁଲାନ୍ସ ମୁଖ୍ୟ ରାସ୍ତାରେ ରୋଗୀଙ୍କୁ ଅପେକ୍ଷା କରିଥିଲା । ସେଠାରୁ ଆମ୍ବୁଲାନ୍ସ ଯୋଗେ ଚିକିତ୍ସାଳୟକୁ ଅଣ। ଯାଇଥିଲା । ଏହି ଗ୍ରାମବାସୀ କେବଳ ରୋଗୀଙ୍କୁ ନେବା କିମ୍ବା ଆଣିବାରେ କଷ୍ଟ ଉଠାଉ ନାହାନ୍ତି ବରଂ ପଞ୍ଚାୟତ ସଦର ମହକୁମାକୁ ଯାତାୟତ କରିବା ତଥା ଭତ୍ତା ଏବଂ ର।ସନ ସାମଗ୍ରୀ ଆଣିବା ନିମନ୍ତେ ନ।ହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏହା ବ୍ୟତୀତ ପ୍ରସୃତି ଓ ଗର୍ଭବତୀ ମହିଳାଙ୍କୁ ମେଡିକାଲକୁ ନେବା ସବୁଠାରୁ ବିପଦପୂର୍ଣ୍ଣ ବୋଲି ଗ୍ରାମବାସୀ ପ୍ରକାଶ କରିଛନ୍ତି । ତୁରନ୍ତ ତାଗବେଡା ଗ୍ରାମକୁ ପକ୍କା ରାସ୍ତା ନିର୍ମାଣ କରାଯିବ। ନିମନ୍ତେ ସ୍ଥାନୀୟ ବାସିନ୍ଦା ଦାବି କରିଛନ୍ତି । ଏ ସମ୍ପର୍କରେ ଖଇରିପୁଟ ବି ଡି ଓ ହୃଦରଞ୍ଜନ ସାହୁଙ୍କୁ ଯୋଗାଯୋଗ କରିବାରୁ କୌଣସି ପ୍ରତିକ୍ରିୟା ମିଳି ପ।ରି ନ।ହିଁ ।
Comments are closed.