ଡେସ୍କ: ବିଜେପି ନେତା ଦେବେନ୍ଦ୍ର ଫଡନାଭିସ୍ ବିଜେପି ଅଧ୍ୟକ୍ଷ ଜେପି ନଡ୍ଡାଙ୍କୁ ସାକ୍ଷାତ ଆଲୋଚନା କରିବା ନିମନ୍ତେ ତାଙ୍କ ଦିଲ୍ଲୀ ବାସଭବନରେ ପହଞ୍ଚିଛନ୍ତି। ମହାରାଷ୍ଟ୍ରର ମହା ବିକାଶ ଅଗାଡି ସରକାରରେ ସଙ୍କଟ ବଢି ଚାଲିଥିବା ବେଳେ ଏହି ସାକ୍ଷାତ ଆଲୋଚନାକୁ ଗୁରୁତ୍ୱ ଦିଆଯାଉଛି। ଶିବସେନାର ବିଦ୍ରୋହୀ ନେତା ଏକନାଥ ସିନ୍ଧେ ତାଙ୍କ ସହ ୫୦ ଜଣ ବିଧାୟକଙ୍କ ସମର୍ଥନ ଥିବା କହିଛନ୍ତି।
ସୋମବାର ଦିନ ଭାରତୀୟ ଜନତା ପାର୍ଟି ମହାରାଷ୍ଟ୍ର ଶାଖାର କୋର କମିଟି ବୈଠକ ପରେ ସେ ଦିଲ୍ଲୀ ଆସିଛନ୍ତି। ୨୦୧୯ ବିଧାନସଭା ନିର୍ବାଚନରେ ବିଜେପି ସଂଖ୍ୟା ଗରିଷ୍ଠତା ହାସଲ କରିବା ପରେ ଫଡନାଭିସ୍ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ, କିନ୍ତୁ ଖୁବ୍ ଶୀଘ୍ର ତାଙ୍କ ଡେପୁଟି ତଥା ଏନସିପି ନେତା ଅଜିତ ପାୱାର ଇସ୍ତଫା ଦେବା ପରେ ସେ ତାଙ୍କ ଇସ୍ତଫା ପତ୍ର ପ୍ରଦାନ କରିଥିଲେ। ଫଡନାଭିସ୍ ଇସ୍ତଫା ଦେବା ପରେ ଶିବସେନା, ଜାତୀୟତାବାଦୀ କଂଗ୍ରେସ ପାର୍ଟି ଏବଂ କଂଗ୍ରେସର ମିଳିତ ମଞ୍ଚ ମୁଖ୍ୟମନ୍ତ୍ରୀଙ୍କ ପଦ ପାଇଁ ଉଦ୍ଧବ ଠାକରେଙ୍କୁ ଚୟନ କରିଥିଲା।
୨୮୮ ସଦସ୍ୟ ବିଶିଷ୍ଟ ବିଧାନସଭା ନିର୍ବାଚନରେ ବିଜେପି ୧୦୫ଟି ଆସନ ଜିତିଥିବା ବେଳେ ଶିବସେନା ୫୬, ଏନସିପି ୫୪ ଏବଂ କଂଗ୍ରେସ ୪୪ଟି ଆସନ ଜିତିଛି। ଶିବସେନା ନେତା ସଞ୍ଜୟ ରାଉତ ବିଜେପି ଏବଂ ଦେବେନ୍ଦ୍ର ଫଡନାଭିସଙ୍କୁ ମହା ବିକାଶ ଅଗାଡିରେ ଦେଖା ଦେଇଥିବା ସଙ୍କଟରେ ଜଡିତ ନହେବାକୁ ଚେତାବନୀ ଦେଇଛନ୍ତି। ସେ କହିଛନ୍ତି ଯେ ଯଦି ସେମାନେ ଏହା କରନ୍ତି, ତେବେ ସେମାନଙ୍କ ଦଳ, ଫଡନାଭିସ୍ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ନାମ ଅପମାନିତ ହେବ।
ମହାରାଷ୍ଟ୍ରରେ ଶିବସେନା ଏବଂ ଏକନାଥ ସିନ୍ଦେଙ୍କ ନେତୃତ୍ୱ ବିଦ୍ରୋହୀ ଗୋଷ୍ଠୀ ମଧ୍ୟରେ ରାଜନୈତିକ ବିବାଦ ଏବେ ସୁପ୍ରିମକୋର୍ଟରେ ପହଞ୍ଚିଛି।
