ଆସାମରେ ବନ୍ୟା ବିତ୍ପାତ: ବୁଡ଼ିଲା କ୍ୟାନ୍ସର ହସ୍ପିଟାଲ, ରାସ୍ତାରେ ଚାଲିଛି ଚିକିତ୍ସା

ଗୌହାଟି: ଆସାମର କଛାର ଜିଲାର ସିଲଚର ସହର ସ୍ଥିତ ଏକ କ୍ୟାନ୍ସର ହସ୍ପିଟାଲ ବନ୍ୟା ପାଣିରେ ଜଳମଗ୍ନ ହୋଇଯାଇଛି। ତେବେ ଜିଲ୍ଲାର ବନ୍ୟା ପରିସ୍ଥିତିରେ ସୁଧାର ଆସୁଛି। କ୍ୟାନ୍ସର ହସ୍ପିଟାଲର ନିର୍ଦେଶକ ରବି କନ୍ନନ କହିଛନ୍ତି, କର୍କଟ ରୋଗୀଙ୍କ ପାଇଁ ଡାକ୍ତରଖାନା ଗୋଟିଏ ଦିନ ପାଇଁ ମଧ୍ୟ ବନ୍ଦ କରାଯାଇପାରିବ ନାହିଁ। ବାହାରେ ରୋଗୀଙ୍କୁ ସାମାନ୍ୟ ଚିକିତ୍ସା ଦିଆଯାଉଥିଲା, ଗୁରୁତର ଚିକିତ୍ସାର ଆବଶ୍ୟକତା ଥିବା ରୋଗୀଙ୍କୁ ଭିତରେ ରଖାଯାଇଥିଲା। ରୋଗୀଙ୍କୁ ପରିସରରୁ ବାହାର କରିବା ପାଇଁ ଆମେ ଭେଳା ବ୍ୟବହାର କରୁଥିଲୁ।

Assam | A cancer hospital remains inundated under floodwaters in Silchar town in Cachar district. The flood situation is improving in the district due to receding water pic.twitter.com/UjqduxSM7D

— ANI (@ANI) June 28, 2022

ସୂଚନା ମୁତାବକ, ରାଜ୍ୟର ବରାକ ଘାଟି ସ୍ଥିତ ୧୫୦ ଶଯ୍ୟା ବିଶିିଷ୍ଟ କ୍ୟାନ୍ସର ହସ୍ପିଟାଲ ଏବଂ ଅନୁସନ୍ଧାନ କେନ୍ଦ୍ର ଗତ କିଛି ଦିନ ହେବ ପାଣିରେ ବୁଡ଼ି ରହିଛି। ସ୍ଥିତି ଏତେ ଜଟିଳ ଯେ ରାସ୍ତା ଉପରେ ରୋଗୀମାନଙ୍କ ଚିକିତ୍ସା କରାଯାଉଛି। ଡାକ୍ତରଖାନା ସମ୍ବଳ ପରିଚାଳନା ବିଭାଗର ମୁଖ୍ୟ ଦର୍ଶନ ଆର ଟ୍ବିଟ୍‌ କରି କହିଛନ୍ତି, ‘‘ଯେଉଁ ପ୍ରକ୍ରିୟା ବାହାରେ କରାଯାଇପାରିବ, ଯେପରିକି କେମୋଥେରାପି ଓ ପ୍ରାରମ୍ଭିକ ନିଦାନ ସେସବୁକୁ ଆମେ ରାସ୍ତା ଉପରେ ଜାରି ରଖିଛୁ, ଯେଉଁଠି କି କମ୍‌ ପାଣି ଜମା ହୋଇଛି।’’

The Cachar Cancer Hospital in Silchar is in need of help because of the ravages of the Assam floods. Many parts of the hospital are under water, but they are still maintaining cancer services through whatever means are available. Please share this appeal to support them. pic.twitter.com/Kgzc2Hmjnh

— Prathamesh Pai (@drprathameshpai) June 26, 2022