ମୁମ୍ବଇ: ମହାରାଷ୍ଟ୍ରରେ ଉଦ୍ଧବ ସରକାରର କ୍ୟାବିନେଟ ମନ୍ତ୍ରୀ ତଥା ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଚୌହାନ କରୋନା ଭୂତାଣୁରେ ସଂକ୍ରମିତ ହୋଇଛନ୍ତି। ତାଙ୍କଠାରେ କରୋନା ଲକ୍ଷଣ ଦେଖା ଦେବା ପରେ ତାଙ୍କର ରକ୍ତ ଏବଂ ସ୍ବାବ ପରୀକ୍ଷା କରାଯାଇଥିଲା। ସୋମବାର ତାହା ପଜିଟିଭ ଆସିଛି। ଏହା ପରେ ତାଙ୍କୁ ନାନ୍ଦେଡରେ ଏକ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।
ନିକଟରେ ଏନସିପି ନେତା ତଥା ମନ୍ତ୍ରୀ ଜିତେନ୍ଦ୍ର ଅୱାହଦ କରୋନା ସଂକ୍ରମିତ ହୋଇଥିଲେ। ମୁମ୍ବଇର ଏକ ହସ୍ପିଟାଲରେ ୨ ସପ୍ତାହ ଧରି ତାଙ୍କୁ ଚିକିତ୍ସା କରାଯିବା ପରେ ସେ ସୁସ୍ଥ ହୋଇଥିଲେ। ଗତ ରବିବାର ମୁଖ୍ୟମନ୍ତ୍ରୀ ଉଦ୍ଧବ ଠାକରେ କହିଥିଲେ ଯେ, ରାଜ୍ୟରେ ସଂକ୍ରମିତଙ୍କ ସଂଖ୍ୟା ଦ୍ରୁତଗତିରେ ବୃଦ୍ଧି ପାଉଥିବାରୁ କରୋନା ବିରୋଧୀ ଲଢ଼େଇ ଦିନକୁ ଦିନ ଅତ୍ୟନ୍ତ କଠୋର ହେବାରେ ଲାଗିଛି। ଏହାର ମୁକାବିଲା ଲାଗି ଯେକୌଣସି ଜରୁରୀ ପରିସ୍ଥିତିର ସାମ୍ନା କରିବା ପାଇଁ ସରକାର ଅତିରିକ୍ତ ସ୍ବାସ୍ଥ୍ୟ ସୁବିଧାର ବ୍ୟବସ୍ଥା କରୁଛନ୍ତି।
