ଆଠଗଡ : ମା ମଙ୍ଗଳା କ୍ଲବ୍ ଆନୁକୁଲ୍ୟରେ ବୀରକିଶୋରପୁର ଖେଳ ପଡିଆରେ ଚାଲିଥିବା ମା ମଙ୍ଗଳା ଚାଲେଞ୍ଜ କପ୍ କ୍ରିକେଟ ଟୁଣ୍ଣାମେଣ୍ଟର ପଞ୍ଚମ ଦିନରେ ଅନୁଷ୍ଠିତ ୨ଟି ମ୍ୟାଚରେ ପ୍ରତିପକ୍ଷଙ୍କୁ ହରାଇ ଆଠଗଡର ଜୟଶ୍ରୀରାମ କ୍ରିକେଟ୍ କ୍ଲବ୍ ଓ ରାଜନଗର କ୍ରିକେଟ କ୍ଲବ୍ ବିଜୟୀ ହୋଇଥିବା ଜଣାପଡିଛି। ପ୍ରଥମ ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଅଭିମାନପୁରର ବିଆରସିଟି କ୍ଲବ ନିର୍ଦ୍ଧାରିତ ୧୨ ଓଭରରେ ୭ ୱିକେଟ ହରାଇ ୯୫ ରନ୍ ସଂଗ୍ରହ କରିଥିଲେ। ଏହାର ଜବାବ୍ରେ ଆଠଗଡର ଜୟଶ୍ରୀରାମ କ୍ରିକେଟ କ୍ଲବ୍ ୧୧.୪ ଓଭରରେ ୭ ୱିକେଟ ହରାଇ ୯୮ ରନ୍ ସଂଗ୍ରହ କରି ବିଜୟୀ ହୋଇଥିଲେ। ଏହି ମ୍ୟାଚରେ ଉନ୍ନତ ଖେଳ ପ୍ରଦର୍ଶନ କରି ଆଠଗଡ ଦଳର ପାୟଲ ବର୍ମା ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିବା ବେଲେ ଏହି ମ୍ୟାଚଟିକୁ ଅନନ୍ତ ବେହେରା ଓ ସୁନିଲ ମହାରଣା ଅମ୍ପାୟାର ଭାବେ ପରିଚାଳନା କରିଥିଲେ। ସେହିପରି ୨ୟ ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଚୌଦ୍ୱାରର ସାଇରାମ କ୍ଲବ ନିର୍ଦ୍ଧାରିତ ୧୨ଓଭରରେ ୯ୱିକେଟ ହରାଇ ୯୯ ରନ୍ ସଂଗ୍ରହ କରିଥିଲେ। ଏହାର ଅନୁଧାବନ କରିଥିବା ରାଜନଗର କ୍ରିକେଟ କ୍ଲବ୍ ୧୦.୪ ଓଭରରେ ୫ୱିକେଟ ହରାଇ ୧୦୦ରନ୍ ସଂଗ୍ରହ କରି ବିଜୟୀ ହୋଇଥିଲେ। ଏହି ମ୍ୟାଚରେ ସାଗର ବରାଳ ମ୍ୟାନ ଅଫ ଦି ମ୍ୟାଚ ହୋଇଥିବାବେଳେ ରତିରଞ୍ଜନ ପାଇକରାୟ ଓ ସୌମେଶ ବେହେରା ମ୍ୟାଚ ପରିଚାଳନା କରିଥିଲେ। ପଞ୍ଚମ ଦିନରେ ମୁଖ୍ୟ ଅତିଥି ଭାବେ ବରୁଣ ରାଜ ଯୋଗଦେଇ ଦୁଇ ମ୍ୟାନ ଅଫ ଦି ମ୍ୟାଚଙ୍କୁ ପୁରସ୍କୃତ କରିଥିଲେ। ଆୟୋଜକ କ୍ଲବ୍ର ସମୀର କୁମାର ବେହେରା, ସୌମ୍ୟରଞ୍ଜନ ପ୍ରଧାନ, ପ୍ରିତମ ଶତପଥି, ସୌମ୍ୟରଞ୍ଜନ ମହାପାତ୍ର ଓ ପ୍ରତାପ ପାଇକରାୟଙ୍କ ସହ ଅନ୍ୟମାନେ ଏହି ଟୁର୍ଣ୍ଣାମେଣ୍ଟ ପରିଚାଳନାରେ ସହଯୋଗ କରିଥିଲେ।
ମା ମଙ୍ଗଳା ଚାଲେଞ୍ଜ କପ୍ କ୍ରିକେଟ ଟୁର୍ଣ୍ଣାମେଣ୍ଟ ; ୨ଟି ମ୍ୟାଚରେ ଆଠଗଡ ଓ ରାଜନଗର ବିଜୟୀ
Popular Categories
Previous article
Next article