ମ.ରାମପୁର : କଳାହାଣ୍ଡି ଜିଲ୍ଲା ମ.ରାମପୁର ଥାନା ଅନ୍ତର୍ଗତ କେନ୍ଦୁ ବନ୍ଧ ଛକ ଠାରେ ସକାଳେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏଥିରେ ବାପାଙ୍କ ମୃତ୍ୟୁ ହେଇଥିବା ବେଳେ ପୁଅ ଆହତ ଓ ଆଉ ଜଣେ ଗୁରୁତର ହେଇଥିବା ଜଣାପଡ଼ିଛି ।
ପ୍ରାପ୍ତ ସୂଚନା ମୁତାବକ ଆଜି ସକାଳୁ ମ.ରାମପୁର ଦେଇ ଯାଇଥିବା ରାୟପୁର – ଗୋପାଳପୁର ଜାତୀୟ ରାଜପଥ (୫୯)ର କେନ୍ଦୁ ବନ୍ଧ ଛକ ଠାରେ ମ.ରାମପୁର ପଟରୁ ନୂଆପଡ଼ା ଜିଲ୍ଲା କୋମନା ବ୍ଲକ୍ ଟିକ୍ରା ପଡ଼ା ପଞ୍ଚାୟତ ଅନ୍ତର୍ଗତ ଜେଠୁ ପାଲି ଗ୍ରାମର ଯଉବନ ତାଣ୍ଡି (୫୦), ଯଉବନଙ୍କ ପୁତ୍ର ରାଜୀବ ତାଣ୍ଡି, ଓ ଭାଗିରଥି ଜାଲ ନିଜ ଗାଁ ଅଭିମୁଖେ ଗୋଟିଏ ବାଇକରେ ତିନି ଜଣ ଯାଉଥିଲେ।
ବିପରୀତ ଦିଗରୁ କର୍ଲାମୁଣ୍ଡା ବ୍ଲକର ସାପ ଲହରା ଗ୍ରାମ ପଞ୍ଚାୟତର କଣ୍ଡରେଇ ଗ୍ରାମର ପରମାନନ୍ଦ ଭୋଇ ଓ ନରେଶ ଚନ୍ଦନ (୨୭) ମଧ୍ୟ ବାଇକ୍ ଯୋଗେ ମ.ରାମପୁରକୁ ଡିଜେଲ ନେବାକୁ ଆସୁଥିବା ବେଳେ ସାମ୍ନାସାମ୍ନୀ ଉଭୟ ବାଇକ ମଧ୍ୟରେ ଧକ୍କା ହେଇଥିଲା। ସଙ୍ଗେ ସଙ୍ଗେ ଲୋକ ସେମାନଙ୍କୁ ଉଦ୍ଧାର କରି ମ.ରାମପୁର ଡାକ୍ତରଖାନା ଆଣି ଭର୍ତ୍ତି କରିଥିଲେ। ତେବେ ଘଟଣାସ୍ଥଳ ରେ ହିଁ ନୂଆ ପଡା ଜିଲ୍ଲାର ଯେଠୁ ପାଲି ଗ୍ରାମର ରାଜୀବଙ୍କ ବାପା ଯଉବନଙ୍କ ମୃତ୍ୟୁ ହେଇଥିବା ବେଳେ ପୁତ୍ର ଆହତ ଓ ଅନ୍ୟ ଜଣେ ଗୁରୁତର ଆହତ ପରମାନନ୍ଦ ଭୋଇଙ୍କୁ ପ୍ରଥମେ ମ.ରାମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଆଣି ଏଠାରୁ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଛି। ଅନ୍ୟ ଆହତ ମାନଙ୍କୁ ମ .ରାମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଉଥିବା ବେଳେ ମୃତକ ଙ୍କ ଗାଆଁକୁ ଖବର ଦିଆଯାଇଛି। ଶବ ବ୍ୟବଚ୍ଛେଦ ପରେ ଶବ ପରିବାର ବର୍ଗଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି। । ମ.ରାମପୁର ପୁଲିସ ଏକ ମାମଲା ରୁଜ୍ଜୁ କରି ଘଟଣାର ତଦନ୍ତ ଚଳାଇଛି।
Comments are closed.