ଝାରସୁଗୁଡ଼ା : ସିନ୍ଦନୀମାଲ ପଞ୍ଚାୟତର କୋଇଲଗା ଗ୍ରାମ ନିକଟସ୍ଥ ରାସ୍ତାରେ ଭତ୍ତା ଟଙ୍କା ନେଇ ଆସୁଥିବା ବେଳେ ଜଣେ ବ୍ୟକ୍ତିଙ୍କୁ ଦୁଇ ଜଣ ଦୁର୍ବୃତ୍ତ ଆକ୍ରମଣ କରି ଟଙ୍କା ଛଡ଼ାଇବାକୁ ଉଦ୍ୟମ କରିଥିବା ଅଭିଯୋଗ ହୋଇଛି। କିନ୍ତୁ ଏହି ଉଦ୍ୟମରେ ସେମାନେ ବିଫଳ ହୋଇଛନ୍ତି।
ସୂଚନା ଅନୁସାରେ, କୋଲାବିରା ଥାନା ଗହ୍ମାପାଳି ଗ୍ରାମର ଈଶ୍ବର ଚନ୍ଦ୍ର ନାଏକ ୭ଲକ୍ଷ ଭତ୍ତା ଟଙ୍କା ନେଇ ବାଇକରେ ଆସୁଥିଲେ। ଏହି ସମୟରେ ଦୁଇ ଦୁର୍ବୃତ୍ତ ତାଙ୍କୁ ମରଣାନ୍ତକ ଆକ୍ରମଣ କରି ଟଙ୍କା ଛଡ଼ାଇବାକୁ ଉଦ୍ୟମ କରିଥିଲେ। ଏହି ଉଦ୍ୟମରେ ସେମାନେ ବିଫଳ ହୋଇଥିଲେ ହେଲେ ଆକ୍ରମଣ ଯୋଗୁଁ ଈଶ୍ବର ବାଇକରୁ ପଡ଼ିଯାଇ ସାମାନ୍ୟ ଆହତ ହୋଇଛନ୍ତି। ଘଟଣାସ୍ଥଳରେ ବ୍ରଜରାଜନଗର ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି। ତେବେ ଆକ୍ରମଣ କରିଥିବା ଦୁଇ ଜଣ ଦୁର୍ବୃତ୍ତ ଫେରାର୍ ହୋଇଯାଇଥିବା ଜଣାପଡ଼ିଛି।
