ନୂଆଦିଲ୍ଲୀ: ଲୋକସେବକ ମଣ୍ଡଳର ମୁଖ୍ୟ କାର୍ଯ୍ୟାଳୟ ନୂଆଦିଲ୍ଲୀଠାରେ ଗୁରୁବାର ଅନୁଷ୍ଠିତ କାର୍ଯ୍ୟକାରୀ ବୈଠକରେ ଲୋକସେବକ ମଣ୍ଡଳ ଓଡ଼ିଶା ଶାଖା ପୁନର୍ଗଠିତ ହୋଇଛି। ସଭାପତି ଶ୍ରୀ ରାଜକୁମାରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ସମ୍ବିଧାନ ଅନୁଯାୟୀ ଓଡ଼ିଶାର ବରିଷ୍ଠ ଆଜୀବନ ସଦସ୍ୟ ଶ୍ରୀ ନିରଞ୍ଜନ ରଥ ଓଡ଼ିଶା ଶାଖାର ଅଧ୍ୟକ୍ଷ, ବରିଷ୍ଠ ଆଜୀବନ ସଦସ୍ୟ ଶ୍ରୀ ଭୀମସେନ ଯାଦବ ସମ୍ପାଦକ ପଦରେ ଆସୀନ ହୋଇଥିବା ବେଳେ କାର୍ଯ୍ୟକାରୀ କମିଟିର ସଦସ୍ୟ ଭାବେ ଶ୍ରୀ ଦୀପକ ମାଲବ୍ୟ, ଶ୍ରୀ ଅଜୟ ସିଂ ଏବଂ ଡ. ପ୍ରଭାସ ଆଚାର୍ଯ୍ୟ ମନୋନୀତ ହୋଇଛନ୍ତି।
ସୂଚନାଯୋଗ୍ୟ ଯେ ଲୋକସେବକ ମଣ୍ଡଳ ଓଡ଼ିଶା ଶାଖାର ପୂର୍ବତନ ଅଧ୍ୟକ୍ଷ ଡ. ରାଧାନାଥ ରଥଙ୍କ ପରେ ଦୀର୍ଘବର୍ଷ ବ୍ୟବଧାନର ଅନ୍ତ ଘଟାଇ ଓଡ଼ିଶା ଶାଖାକୁ ସ୍ବତନ୍ତ୍ର ଭାବେ ପୁନଃ ସ୍ବୀକୃତି ମିଳିଛି। ବୈଠକରେ ଆଜୀବନ କର୍ମୀ ଶ୍ରୀ ରାଜେନ୍ଦ୍ର କୁମାର ଜେନାଙ୍କୁ ଉନ୍ନୀତ କରାଇ ଆଜୀବନ ସଦସ୍ୟ ଭାବେ ଗ୍ରହଣ କରାଯାଇଛି।
Comments are closed.