ଲକ୍ଷ୍ନୌ : ୟୁପିର ଦ୍ବିତୀୟ ପର୍ଯ୍ୟାୟ ନିର୍ବାଚନ ପ୍ରଚାର ବୁଧବାର ଶେଷ ହୋଇଛି । ଏହି ପର୍ଯ୍ୟାୟରେ ପଶ୍ଚିମ ୟୁପିର ୮ ଆସନରେ ମତଦାନ ହେବ । ଏହାକୁ ନେଇ ଆଜି ସନ୍ଧ୍ୟାରୁ ଆଗାମୀ ୪୮ ଘଣ୍ଟା ପର୍ଯ୍ୟନ୍ତ ମଦ ଦୋକାନ ଏବଂ ବାର୍ ବନ୍ଦ ରହିବ । ଏହି ଜିଲାରେ ଆଗାମୀ ୨ ଦିନ ଡ୍ରାଇ ଡେ ଭଳି ପରିସ୍ଥିତି ରହିବ । ଗୌତମବୁଦ୍ଧ ନଗରର ଜିଲା ଅବକାରୀ ଅଧିକାରୀ ସୁବୋଧ କୁମାର ଶ୍ରୀବାସ୍ତବ ଜଣାଇଛନ୍ତି କି ନିର୍ବାଚନୀ ଅଞ୍ଚଳରେ ମଦ ଦୋକାନ ବନ୍ଦ ରହିବ ।
ଜିଲା ଅବକାରୀ ଅଧିକାରୀ କହିଛନ୍ତି କି ନିର୍ବାଚନ ଆୟୋଗଙ୍କ ଆଦେଶ ପାଳନ କରାଯିବ । ଆଗାମୀ ୨୪ ଘଣ୍ଟା ସମସ୍ତ ବିୟର ବାର୍ ବନ୍ଦ ରହିବ । ନିୟମ ଉଲ୍ଲଙ୍ଘନ କଲେ ଜେଲ୍ ସହ ଜରିମାନା ହେବ । ନିର୍ବାଚନକୁ ଧ୍ୟାନରେ ରଖି ନୋଏଡା ଏବଂ ଗ୍ରେଟର ନୋଏଡାରେ ମଦ ବିକ୍ରି ଉପରେ ନଜର ରଖାଯାଇଛି । ବନ୍ଦ ସମୟରେ କେହି ବେଆଇନ ଭାବେ ମଦ ବିକୁଥିବା ନଜର ଆସିଲେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ଦ୍ବିତୀୟ ପର୍ଯ୍ୟାୟରେ ୟୁପିର ୮ ଆସନର ମତଦାନ ହେବ । ଏଥିରେ ଅମରୋହା, ମିରଠ, ବାଗପତ, ଗାଜିୟାବାଦ, ଗୌତମବୁଦ୍ଧନଗର, ବୁଲନ୍ଦସହର, ଅଲ୍ଲୀଗଡ ଏବଂ ମଥୁରା ସାମିଲ । ଅର୍ଥାତ୍ ଆଗାମୀ ୪୮ ଘଣ୍ଟା ଏହି ସହରରେ ମଦ ବିକ୍ରି ସମ୍ପୂର୍ଣ୍ଣ ବନ୍ଦ ରହିବ ।
Comments are closed.