ପାଟଣା : ପାଟଣା ପୁଲିସ ପକ୍ଷରୁ ଆଜି ବଡ ଧରଣର ଅବକାରୀ ଚଢ଼ାଉ କରାଯାଇଛି। ଏହି ଥାନା ଅଞ୍ଚଳ ଭୋଳପଡା ଗ୍ରାମ ଜଙ୍ଗଲ ଇଲାକାରେ ଥିବା ୩ଟି ଚୋରା ମଦ ଭାଟିରେ ଚଢ଼ାଉ କରାଯାଇ ୫ ହଜାର କେଜି ମହୁଲ ପୋଚ ପୁଲିସ ନଷ୍ଟ କରିବା ସହ ୧ ଶହ ଲିଟର ପ୍ରସ୍ତୁତ ଓ ଗଛିତ ଥିବା ମହୁଲି ମଦକୁ ଜବତ କରିଛି। ଏହାଛଡା ସମସ୍ତ ମଦରନ୍ଧା ସରଞ୍ଜାମ ଗୁଡିକ ମଧ୍ୟ ଜବତ କରାଯାଇ ଥାନାକୁ ଅଣାଯାଇଛି। ପୁଲିସ ଭାଟିରେ ପହଞ୍ଚିବା ପୂର୍ବରୁ ମଦ ପ୍ରସ୍ତୁତକାରୀ ଘଟଣାସ୍ଥଳରୁ ଫେରାର ହୋଇଯାଇଥିବା ଜଣାପଡିଛି। ଏନେଇ ପାଟଣା ଥାନାରେ ୨୮୦/୨୦୨୪ କେସ ନଂ ମୂଳେ ୫୨(କ)(ଇ)ଓଡ଼ିଶା ଅବକାରୀ ଆଇନ ଅନୁସାରେ ମାମଲା ରୁଜୁ ହୋଇଛି। ଥାନାଧିକାରୀ ବିବତ୍ସ ପ୍ରଧାନଙ୍କ ନେତୃତ୍ୱରେ ଏହି ଚଢ଼ାଉ କରାଯାଇଥିଲା। ଏହାଛଡା ସାହାରପଡାଠାରୁ ମଲ୍ଲୀପଶି ମଧ୍ୟରେ ୨୨୦ନଂ ଜାତୀୟ ରାଜପଥ କଡରେ ଚାଲିଥିବା ବହୁ ହାଣ୍ଡିଆ ବିକ୍ରୟ କେନ୍ଦ୍ର ଗୁଡିକରେ ହାଣ୍ଡିଆ ନଷ୍ଟ କରାଯିବା ସହ ଏହାକୁ ଉଚ୍ଛେଦ କରାଯାଇଛି।
Comments are closed.