ନୂଆଦିଲ୍ଲୀ : ସୋସିଆଲ ମିଡିଆରେ ନିକଟରେ ଏକ ଛାତିଥରା ସିସିଟିଭି ଫୁଟେଜ୍ର ଏକ ଭିଡିଓ ଦ୍ରୁତ ଗତିରେ ଭାଇରାଲ୍ ହେଉଛି । ଭିଡିଓଟି ଦେଖିଲେ ସଭିଏଁ ଆଶ୍ଚର୍ଯ୍ୟଚକିତ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଭିଡିଓରେ ଦେଖି ପାରିବେ, ଏକ ସିଂହୀ ପାକିସ୍ତାନର ଲାହୌର ବ୍ୟସ୍ତ ସଡକରେ ଜଣେ ମହିଳା ଓ ଶିଶୁଙ୍କ ଉପରେ ହଠାତ୍ ପାଚେରୀ ଡେଇଁ ଆସି ଆକ୍ରମଣ କରୁଛି । ଏହି ଘଟଣା ଲାହୌରର ଜୋହର ଟାଉନ ଅଞ୍ଚଳର । ମିଳିଥିବା ସୂଚନାନୁସାରେ, ଏକ ଫାର୍ମ ହାଉସ୍ରୁ ଏକ ପୋଷା ସିଂହୀ ହଠାତ୍ ଖସି ଆସି ପାଚେରୀ ଡେଇଁ ବ୍ୟସ୍ତବହୁଳ ରାସ୍ତାକୁ ପଳାଇଆସିଥିଲା। ସିଂହୀକୁ ରାସ୍ତାରେ ଦେଖି ହଠାତ୍ ସଭିଏଁ ଭୟଭୀତ ହେବା ସହ ହଇଚଇ ଓ ଚିତ୍କାର ଶୁଣାଯାଇଥିଲା।
ଭାଇରାଲ୍ ଫୁଟେଜରେ ଦେଖିପାରିବେ ରାତି ସମୟରେ କିଛି ଲୋକେ ରାସ୍ତାରେ ଯିବା ଆସିବା କରୁଛନ୍ତି । କିଛି ପରସ୍ପର ସହ କଥାବାର୍ତ୍ତା କରୁଛନ୍ତି । ସେହି ସମୟରେ ନିକଟରେ ଥିବା ଏକ ବଡ କାନ୍ଥ ଡେଇଁ ଏକ ସିଂହୀ ପଳାଇ ଆସୁଛି । ସିଂହୀକୁ ଦେଖି ଲୋକେ ଭୟଭୀତ ହେବା ସହ ଏଣେତେଣେ ଦୌଡିବାକୁ ଲାଗୁଛନ୍ତି । ସିଂହୀଟି ଏକ ମହିଳାଙ୍କ ଉପରେ ଆକ୍ରମଣ କରୁଛି । ମହିଳା ଜଣକ ତଳେ ପଡି ଯାଉଛନ୍ତି ଓ ଚିତ୍କାର କରୁଛନ୍ତି । କିଛି ଲୋକେ ସିଂହୀକୁ ପଥର ଫିଙ୍ଗି ସେଠାରୁ ହଟାଇବାକୁ ଚେଷ୍ଟା କରୁଛନ୍ତି । ସେହି ସମୟରେ ମହିଳା ଜଣକ ନିଜ ଜୀବନ ରକ୍ଷା କରି ସିଂହୀ କବଳରୁ ଖସି ପଳାଇ ଆସୁଛନ୍ତି । ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
ଘରୁ ବାହାରିବା ପୂର୍ବରୁ ପାଠ କରନ୍ତୁ ଏହି ଚମତ୍କାରୀ ମନ୍ତ୍ର: ହେବନି ଦୁର୍ଘଟଣା, ଦୂର ହେବ ସବୁ ଚିନ୍ତା..
ଆଉ ୨ ଦିନ ପରେ ବୃହସ୍ପତି ଚଳନ ; ଏହି ରାଶି ହେବେ ଧନୀ, ହଠାତ୍ ମିଳିବ ବଡ ଖୁସି,ସଫଳତା..
