ଭୁବନେଶ୍ଵର : ଅଶୋକାଷ୍ଟମୀ ରଥଯାତ୍ରା ପାଇଁ ଶ୍ରୀପଞ୍ଚମୀ ଦିନ ଶ୍ରୀଲିଙ୍ଗରାଜଙ୍କ କାଠ ଅନୁକୂଳ ହୋଇଥାଏ। ଚଳିତବର୍ଷ ସରସ୍ଵତୀ ପୂଜା ଫେବୃଆରୀ ୨ କିମ୍ବା ୩ରେ ପାଳନ ହେବ କି ନାହିଁ ତାକୁ ନେଇ ଦ୍ଵନ୍ଦ୍ଵ ଉପୁଜିଥିଲା। ଶ୍ରୀଲିଙ୍ଗରାଜ ମନ୍ଦିର ପ୍ରଶାସନ, ଶ୍ରୀମନ୍ଦିର ପ୍ରଶାସନ କୋହେନୂର ପଞ୍ଜିକାକୁ ଆଧାର କରି ଫେବୃଆରୀ ୨ ତାରିଖରେ ସରସ୍ଵତୀ ପୂଜା ପାଳନ କରିବାକୁ ସ୍ଥିର କରିଛି। ଏ ନେଇ ପ୍ରଶାସନ ପକ୍ଷରୁ ସମସ୍ତ ନିଯୋଗ ସେବାୟତଙ୍କୁ ଅବଗତ କରାଯାଇଛି। ଶ୍ରୀପଞ୍ଚମୀ ଦିନ ଦିଅଁଙ୍କ ଦ୍ଵିପ୍ରହର ଧୂପ ଶେଷ ହେବା ପରେ ଯାତ୍ରା ପୂଜା ହୋଇଥାଏ। ଯାତ୍ରା ପୂଜା ଶେଷ ହେବା ପରେ ଦିଅଁ ମନ୍ଦିରକୁ ପ୍ରତ୍ୟାବର୍ତ୍ତନ କରିଥାନ୍ତି।
Comments are closed.