ନିମାପଡା: ଗରିବ, ଅସହାୟ ଜନତାର ନିଃସ୍ଵାର୍ଥପର ସେବକ, ନିର୍ବିବାଦୀୟ ଲୋକପ୍ରତିନିଧି, ସାଧାରଣ ଲୋକର ସେବା ଲାଗି ସଦା ସମର୍ପିତ,ନିମାପଡ଼ା ପଞ୍ଚାୟତର ଶେଷ ସରପଞ୍ଚ,ପୂର୍ବତନ କାଉନସିଲର ତଥା ବିଶିଷ୍ଟ ସାମ୍ୟବାଦୀ ନେତା ସ୍ବର୍ଗତ ‘ଲିଙ୍ଗରାଜ ଦାଶ‘ଙ୍କ ୮୭ତମ ପୁଣ୍ୟ ଜୟନ୍ତୀ ଦିବସ ରବିବାର ପାଳିତ ହୋଇଯାଇଛି । ଶ୍ରୀଯୁକ୍ତ ଦାଶଙ୍କ ନାମରେ ନାମିତ ‘ମାର୍କେଟ କମ୍ପ୍ଲେକ୍ସ‘ଠାରେ ଥିବା ତାଙ୍କ ଭବ୍ୟ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯିବା ସହିତ ଯୁବ ସଂଗଠକ ନିରଞ୍ଜନ ସାହୁଙ୍କ ସଭାପତିତ୍ବରେ ଏକ ପଥପ୍ରାନ୍ତ ସାଧାରଣ ସଭା ଆୟୋଜିତ ହୋଇଥିଲା । ଉକ୍ତ ସଭାରେ ବିଶିଷ୍ଟ ଯୋଗଗୁରୁ ଶ୍ରୀଯୁକ୍ତ ଗୌରାଙ୍ଗ ଚରଣ ସାହୁ, ଆଇନଜୀବି ଶ୍ରୀଯୁକ୍ତ ପ୍ରଦୀପ୍ତ କୁମାର ଦାଶ, ଯୁବ ସମାଜସେବକ ଶ୍ରୀଯୁକ୍ତ ଚନ୍ଦ୍ରକାନ୍ତ ବରାଳ,ଅର୍ଜୁନ ପଣ୍ଡା ପ୍ରମୁଖ ଯୋଗଦେଇ ବନ୍ୟା,ବାତ୍ୟା ସମୟରେ ନିଃସ୍ଵାର୍ଥପର କାର୍ୟ୍ୟ ତଥା ବିଭିନ୍ନ ଶିକ୍ଷାନୁଷ୍ଠାନ ଗଠନରେ ‘ଲିଙ୍ଗରାଜ ଦାଶ‘ଙ୍କ ଭୂମିକା ଉପରେ ଆଲୋକପାତ କରିଥିଲେ । ଏହା ପରେ ଜ୍ୟୋତି ରଞ୍ଜନ ନାୟକ, ଅୟମ ରାଜ ଭଂଜଦେଓ, ସୌମ୍ୟ ଶୁଭ୍ରାଶିଷ ନାୟକ,ପ୍ରିତମ ବେହେରା,ଆଶୁତୋଷ ନାୟକଙ୍କ ନେତୃତ୍ ରେ ‘ଜନତା ପ୍ରାଥମିକ ବିଦ୍ୟାଳୟ ଠାରେ ଥିବା ‘ଲିଙ୍ଗରାଜ ଦାଶ‘ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରାଯାଇଥିଲା ।
Comments are closed.