ଲକ୍ଷ୍ମୀପୁର: ଆସନ୍ତା ୧୩ ତାରିଖରେ ହେବ କୋରାପୁଟ ଜିଲା ଲକ୍ଷ୍ମୀପୁର ବିଧାନସଭା ନିର୍ବାଚନମଣ୍ଡଳୀର ନିର୍ବାଚନ । ଏଥିପାଇଁ ଚଳଚଞ୍ଚଳ ଅଞ୍ଚଳ। ବିଭିନ୍ନ ଦଳ ପକ୍ଷରୁ ଆରମ୍ଭ ହୋଇଛି ପ୍ରଚାର । କଂଗ୍ରେସ ପକ୍ଷରୁ ଏକ ପ୍ରଚାର କାର୍ଯ୍ୟକ୍ରମ ସଦର ମହକୁମାରେ ଅନୁଷ୍ଠିତ ହୋଇଯାଇଛି । ଦଳର ବିଧାୟକ ପ୍ରାର୍ଥୀ ଇଂଜିନିୟର ପବିତ୍ର ସାଉନ୍ତା ଏକ ବିରାଟ ଶୋଭାଯାତ୍ରାରେ ଯାଇ ଶନିବାର ସାପ୍ତାହିକ ହାଟରେ ପ୍ରଚାର କରିଥିଲେ ।
ଏଠାରେ ବିଧାୟକ ପ୍ରାର୍ଥୀ ପବିତ୍ର ସାଉନ୍ତାଙ୍କ ସହିତ ଉପସ୍ଥିତି ବ୍ଲକ ସଭାପତି କୈଳାସ ଖୋସ୍ଲା ନିର୍ବାଚନ ମଣ୍ଡଳୀ ସଭାପତି ମଣ୍ଟି ଖରା , ଜିଲା ପରିଷଦ ସଭ୍ଯ ପିଙ୍କି ହିମିରିକା , ନିର୍ବାଚନ ମଣ୍ଡଳୀ ପର୍ଯ୍ୟବେକ୍ଷକ ଜଗଦୀଶ ଖୋସ୍ଲା ପ୍ରମୁଖ ଉପସ୍ଥିତ ଯୋଗଦେଇ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ଆଦିବାସୀ ହରିଜନ ମାରଣ ନୀତି ସମ୍ପର୍କରେ ବିଷୋଦଗାର କରିବା ସହିତ କଂଗ୍ରେସ ହିଁ ଦେଶପାଇଁ ଯାହା କିଛି କରିଛି ଏବଂ ଆଗାମୀ ଦିନରେ ଶାସନକୁ ଆସିଲେ ଆଦିବାସୀ , ହରିଜନ ଙ୍କ ସହିତ ଗରିବ, ମହିଳା ଏବଂ ଯୁବକ ମାନଙ୍କ ପାଇଁ ବହୁତ କିଛି କରିବ ବୋଲି କହି କଂଗ୍ରେସର ୯ ଗ୍ଯାରେଣ୍ଟି କଥା କହିଥିଲେ ।
