ଲାଞ୍ଜିଗଡ: ରାଜ୍ୟ ସରକାର ଶିକ୍ଷା କ୍ଷେତ୍ରରେ ଉନ୍ନତି ଆଣିବା ପାଇଁ ବିଭିନ୍ନ ଯୋଜନା କରିଛନ୍ତି। ୬ଦିନକୁ ୬ ପ୍ରକାର ରନ୍ଧା ଖାଦ୍ୟ ଯୋଗାଇ ଦେଉଛନ୍ତି ହେଲେ ଏହାର ବ୍ୟତିକ୍ରମ ଦେଖିବାକୁ ମିଳିଛି ଲାଞ୍ଜିଗଡ ସ୍ଥିତ ଏସ୍ଏସଡି ସ୍କଲରେ। ଏହିପରି ବିଭିନ୍ନ ଦାବି ନେଇ ଆଜି ସକାଳୁ କଳାହାଣ୍ଡି ଜିଲ୍ଲା ଲାଞ୍ଜିଗଡ଼ସ୍ଥିତ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରଛାତ୍ରୀମାନେ ବିଦ୍ୟାଳୟ ମୁଖ୍ୟ ଫାଟକରେ ଧାରଣାରେ ବସିଥିଲେ। ଖାଦ୍ୟର ମାନକୁ ନେଇ ଅନ୍ତେବାସୀମାନଙ୍କ ଅସନ୍ତୋଷ ପ୍ରକାଶ କରି ଆନ୍ଦୋଳନ କରିଥିବା ବେଳେ ଖାଦ୍ୟ ପରିଚାଳନା କରୁଥିବା ଶିକ୍ଷକଙ୍କ ଉପରେ ଅସନ୍ତୋଷ ପ୍ରକାଶ କରିଥିଲେ। ଦୀର୍ଘ ୨ଘଣ୍ଟା ଧାରଣାରେ ବସିବା ପରେ ଘଟଣାସ୍ଥଳକୁ ଲାଞ୍ଜିଗଡ ଥାନା ଏସ୍ଆଇ ଲିଙ୍ଗରାଜ ସେଠି, ବ୍ଲକ ମଙ୍ଗଳ ଅଧିକାରୀ ପଙ୍କଜ କୁମାର ବଳିୟାରସିଂହ, ବ୍ଲକ ସହକାରୀ ନିର୍ବାହୀ ଯନ୍ତ୍ରୀ ସାଲଖୁ ହେମ୍ବ୍ରମ ଯାଇ ଛାତ୍ରଛାତ୍ରୀମାନଙ୍କୁ ବୁଝା ସୁଝା କରିବା ସ୍ଵତେ ଧାରଣାରୁ ଓହରି ନଥିଲେ। ପରେ ଜିଲ୍ଲା ସ୍ତରରୁ ଜିଲ୍ଲା ମଙ୍ଗଳ ଅଧିକାରୀ ଅରବିନ୍ଦ ରାୟ, ପିଏ ଆଇଟିଡିଏ ରାମକୃଷ୍ଣ ଗଣ୍ଡ ଓ ସ୍ୱତନ୍ତ୍ର ଅଧିକାରୀ ପହଞ୍ଚି ଉତ୍ୟକ୍ତ ଛାତ୍ରଛାତ୍ରୀଙ୍କ ସହିତ ସ୍କୁଲର ବିଭିନ୍ନ ସମସ୍ୟାକୁ ନେଇ ଆଲୋଚନା କରିବା ପରେ ଛାତ୍ରଛାତ୍ରୀମାନେ ଧାରଣାରୁ ହଟିଥିଲେ।
Comments are closed.