ଲମତାପୁଟ : ଲମତାପୁଟ ମାଛକୁଣ୍ଡ ଥାନା ମାଲେଗା ଛକ ନିକଟରେ କାର୍-ଅଟୋ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣାରେ ୩ ଜଣ ଗୁରୁତର ଆହତ ହୋଇଥିବା ସୂଚନା ମିଳିଛି। ସମସ୍ତ ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ସୂଚନା ଅନୁଯାୟୀ ତୁଷୁବା ଅଞ୍ଚଳରୁ ଏକ ଅଟୋ ଚାରି ଜଣ ଯାତ୍ରୀଙ୍କୁ ନେଇ ଲମତାପୁଟ ଆସୁଥିବାବେଳେ ବିପରିତ ଦିଗରୁ ଏକ କାର ଦ୍ରୁତ ଗତିରେ ଆସି ଅଟୋ କୁ ଧକ୍କା ଦେଇଥିଲା। ଘଟଣା ସ୍ଥଳରେ ଅଟୋଟି ଭାଙ୍ଗିରୁଜି ଚୁରମାର୍ ହୋଇଯାଇଥିଲା।
ଅଟୋରେ ବସିଥିବା ୩ ଜଣ ଯାତ୍ରୀ ଗୁରୁତର ଆହତ ହୋଇ ରାସ୍ତା ଉପରେ ପୋଡି ରହିଥିଲେ। ସ୍ଥାନୀୟ ଲୋକଙ୍କ ସହାୟତାରେ ସମସ୍ତ ଆହତ ମାନଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି। ଅନ୍ୟପଟେ କ୍ଷତିପୂରଣ ଦାବିରେ ସ୍ଥାନୀୟ ଲୋକ ରାସ୍ତା ଅବରୋଧ କରିଛନ୍ତି। ଯାହା ଫଳରେ ଲମତାପୁଟଠାରୁ ବିଶାଖାପାଟଣାକୁ ଯାତାୟାତ କରୁଥିବା ଗାଡି ଚଳାଚଳରେ ବାଧ୍ୟ ସୃଷ୍ଟି କରିଛି। ଜଣକୁ କୋରାପୁଟ ଓ ଅନ୍ୟ ଜଣେ ଆହତଙ୍କୁ ବିଶାଖାପାଟଣା ସ୍ଥାନାନ୍ତର କରାଯାଇଛି।
