ନୂଆଦିଲ୍ଲୀ – ବିହାରର ପ୍ରଭାବଶାଳୀ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଲାଲୁ ଯାଦବ ଏବେ ଅସୁସ୍ଥ । ଗୁରୁତର ଅବସ୍ଥାରେ ତାଙ୍କର ଚିକିତ୍ସା ଚାଲିଛି । ତେବେ ସେ ୨୦୨୪ ନିର୍ବାଚନ ପାଇଁ ନିଜ ଦଳକୁ ପ୍ରସ୍ତୁତ କରୁଛନ୍ତି । ୨୦୨୪ ନିର୍ବାଚନରେ ମୋଦୀଙ୍କୁ ହଟାଇବା ପାଇଁ ସେ ଡାକରା ଦେଇଛନ୍ତି ।
ସେ ମୋଦୀଙ୍କୁ ଆକ୍ଷେପ କରିବା ସହ ‘ହଟାନା ହେ – ମୋଦୀ କୋ ହଟାନା ହେ’ ବୋଲି କହିଛନ୍ତି ।
ବିହାରରେ ମୁଖ୍ୟମନ୍ତ୍ରୀ ନୀତିଶ କୁମାର ବିଜେପି ସହ ସମ୍ପର୍କ ଛିନ୍ନ କରି ଲାଲୁଙ୍କ ଦଳ ଆର୍ଜେଡି ସହ ମିଶି ସରକାର ଗଠନ କରିଛନ୍ତି । ଏହାପରେ ଲାଲୁ ଏହି ମନ୍ତବ୍ୟ ଦେଇଛନ୍ତି । ଲାଲୁଙ୍କ ଉତ୍ସାହ ଏହା ପରେ ଦ୍ୱିଗୁଣିତ ହୋଇଯାଇଛି ।
୨୦୨୪ ନିର୍ବାଚରେ ବିହାରରେ ବିଜେପି ଖରା ପ୍ରଦର୍ଶନ କରିବ ବୋଲି ଜନତା ଦଳ ୟୁନାଇଟେଡ୍ର ଅଧ୍ୟକ୍ଷ ଲଲନ୍ ସିଂ କହିଛନ୍ତି । ୨୦୧୯ରେ ବିହାର ଝାରଖଣ୍ଡ ଏବଂ ପଶ୍ଚିମ ବଙ୍ଗରେ ବିଜେପି ୪୯ଟି ଆସନ ଜିତିଥିଲା । ଲାଲୁଙ୍କ ଠାରୁ ସେ ଆଶୀର୍ବାଦ ନେଇଛନ୍ତି । ତାଙ୍କ ଦଳ ବେଶ୍ ଭଲ ପ୍ରଦର୍ଶନ କରିବ ବୋଲି ସେ କହିଛନ୍ତି । ବିଜେପି ୩୦୩ ଆସନରୁ ୪୦ ଆସନକୁ ଖସିଯିବ ବୋଲି ସେ ଭବିଷ୍ୟବାଣୀ କରିଛନ୍ତି ।
