ଦୁଇବର୍ଷ ହେଲା କାର୍ଯ୍ୟରେ ଲାଗୁନି ମିଶନ ଶକ୍ତି କାଫେ

କଲ୍ୟାଣସିଂହପୁର : ରାଜ୍ୟ ସରକାର ମହିଳାଙ୍କୁ ଆତ୍ମନିର୍ଭରଶୀଳ ସାମାଜିକ ତାରତମ୍ୟରୁ ମୁକ୍ତ କରିବା ପାଇଁ ଯୋଜନା ପରେ ଯୋଜନା କରି ନିଯୁକ୍ତି ଦେଇଥାନ୍ତି। କିନ୍ତୁ ଗତ ଦୁଇ ବର୍ଷରୁ ଅଧିକ ହେଲା ୧୦ଲକ୍ଷ ଟଙ୍କାରୁ ଉର୍ଦ୍ଧ୍ବ ଖର୍ଚ୍ଚ କରି ପୁରୁଣା କୋଠାକୁ ନୂଆ କରି ମିଶନଶକ୍ତି କାଫେ ନିର୍ମାଣ କରିଥିଲେ ବ୍ଲକ ପ୍ରଶାସନ।

ପୂର୍ବ ସରକାର ସମୟରେ ପ୍ରତିବ୍ଲକରେ ଗୋଟିଏ ଲେଖାଏଁ ମିଶନ ଶକ୍ତି କାଫେ ନିର୍ମାଣ କରି ମହିଳାଙ୍କୁ ଆତ୍ମନିର୍ଭରଶୀଳ କରିବା ପାଇଁ ଏହି ଯୋଜନା ଆରମ୍ଭ ହୋଇଥିଲା। ବ୍ଲକ କାର୍ଯ୍ୟାଳୟ ବାହାରେ କାଫେ ନିର୍ମାଣ କରିବା ପାଇଁ ନିର୍ଦ୍ଦେଶ ରହିଥିଲେ ମଧ୍ୟ ବ୍ଲକ ଭିତରେ କରିଛନ୍ତି।

ଏହି କାଫେ ହେଲେ ମହିଳା ସ୍ୱୟଂ ସହାୟକ ଗୋଷ୍ଠୀର ମହିଳାମାନେ କାର୍ଯ୍ୟ କରି ନିଜନିଜ କାରିଗରି ମାଧ୍ୟମରେ ବିଭିନ୍ନ ଖାଦ୍ୟ ସାମଗ୍ରୀ ତିଆରି କରି ବିକ୍ରିକରୀ ଆତ୍ମନିର୍ଭରଶିଳ ହୋଇପାରିବେ। କିନ୍ତୁ ଆଜକୁ ଦୁଇ ବର୍ଷରୁ ଅଧିକ ସମୟ ଓ ଦଶ ଲକ୍ଷ ଟଙ୍କାରୁ ଅଧିକ ଖର୍ଚ୍ଚକରୀ କାର୍ଯ୍ୟ ଶେଷ ହୋଇଥିଲେ ମଧ୍ୟ ବର୍ତ୍ତମାନ ସୁଦ୍ଧା ତାଲା ଝୁଲୁଛି। ନା ଏଠି ଖାଦ୍ୟ ମିଳୁଛି ନା ମହିଳା ନିଯୁକ୍ତି ମିଳିଛି ଆତ୍ମନିର୍ଭରଶୀଳ ହୋଇ ପାରିଲେନାହିଁ।

କେବଳ ପୁରୁଣା କୃଷି ବିଭାଗର ଘରକୁ ମରାମତି ଓ ରଙ୍ଗମାରି ମିଶନ ଶକ୍ତି କାଫେ ନିର୍ମାଣ କରି ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରିଥିବା ଅଭିଯୋଗ ହୋଇଛି। ଏହି କାଫେ ବାହାରେ ନିର୍ମାଣ ହୋଇଥିଲେ ଯେକୌଣସି ମହିଳା କାର୍ଯ୍ୟ କରି ଆତ୍ମ ନିର୍ଭରଶୀଳ ହୋଇପାରିଥାନ୍ତେ। ବ୍ଲକ ପରିସର ମଧ୍ୟରେ ଥିବା ଏହି କାଫେ ତୁରନ୍ତ ଖୋଲିବାକୁ ସ୍ଥାନୀୟ ଅଞ୍ଚଳବାସୀ ଦାବି କରିଛନ୍ତି।