ଲଡୁଗାଁ: କଳାହାଣ୍ଡି ଜିଲା କୋକସରା ଓ ଆଖପାଖ ଅଞ୍ଚଳରେ ବୁଧବାର ରାତିରେ ପ୍ରାୟ ଅଧଘଣ୍ଟା ରୁ ଉର୍ଦ୍ଧ୍ବ ସମୟ ଭୟଙ୍କର କାଳବୈଶାଖୀ ତାଣ୍ଡବ ରଚାଇଛି। । ଅଧିକ ଝଡ଼ତୋଫାନ ହେବା ଯୋଗୁଁ କୋକସରା ସ୍ଥିତ ସରସ୍ଵତୀ ଶିଶୁ ବିଦ୍ୟା ମନ୍ଦିର ପରିସରରେ ଥିବା କଦମ୍ବ ଓ ଅନ୍ୟାନ୍ୟ ଗଛ କ୍ଷତିଗ୍ରସ୍ତ ହେବାସହ ଗଛ ଡ଼ାଳ ଭାଙ୍ଗି ବିଦ୍ୟା ମନ୍ଦିର ପରିସର ଓ କୋକସରା ଦେଇ ଝରିଆଗୁଡ଼ା, ଧର୍ମଗଡ଼ ରାସ୍ତା ଉପରେ ପଡ଼ିରହିଥିଲା । ଏହି ସମୟରେ ସେଠାରେ କେହି ନଥିବାରୁ ସୌଭାଗ୍ୟବଶତଃ କାହାରି କୌଣସି କ୍ଷୟକ୍ଷତି ହୋଇନାହିଁ ।
ଖବର ପାଇ କୋକସରା ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି କଟର ସାହାଯ୍ୟରେ ଗଛକୁ କାଟି ସଫା କରିଛି। ଗଛ ସଫା ପରେ ଯାତାୟାତ ସ୍ବାଭାବିକ ହୋଇଛି। କୋକସରା ଅଗ୍ନିଶମ ବିଭାଗ ସବୁବେଳେ ତତ୍ପର ରହି ଲୋକଙ୍କ ସେବା କରି ଆସୁଥିବାରୁ କୋକସରା ଅଞ୍ଚଳବାସୀ ପ୍ରଶଂସା କରିଛନ୍ତି ।
