ବେଙ୍ଗାଲୁରୁ: କରୋନା ସଂକ୍ରମଣର ତୀବ୍ରତାକୁ ଦୃଷ୍ଟିରେ ରଖି କର୍ଣ୍ଣାଟକ ସରକାର ଆଜି ଏକ ବଡ଼ ନିଷ୍ପତ୍ତି ନେଇଛନ୍ତି । ଦେଶର ୫ଟି ରାଜ୍ୟରୁ ଟ୍ରେନ୍, ବିମାନ, କୌଣସି ଗାଡ଼ି କର୍ଣ୍ଣାଟକରେ ପ୍ରବେଶ କରି ପାରିବ ନାହିଁ ବୋଲି ଏକ ନିର୍ଦେଶନାମା ଜାରି କରିଛନ୍ତି । ଏହି ରାଜ୍ୟଗୁଡ଼ିକ ହେଲା ମହାରାଷ୍ଟ୍ର, ଗୁଜରାଟ, ତାମିଲନାଡ଼ୁ, ମଧ୍ୟପ୍ରଦେଶ ଓ ରାଜସ୍ଥାନ । ଏହି ରାଜ୍ୟରୁ କୌଣସି ବିମାନ ରାଜ୍ୟକୁ ଉଡ଼ାଣ ଅନୁମତି ଦିଆଯିବ ନାହିଁ, କୌଣସି ଟ୍ରେନ୍ ବା ବସ୍ ମଧ୍ୟ ଆସି ପାରିବ ନାହିଁ ।
Karnataka suspends arrivals of flights, trains and vehicles from Maharashtra, Gujarat, Tamil Nadu, MP & Rajasthan into the state to contain the spread of COVID19. pic.twitter.com/MGA5RGon47
— ANI (@ANI) May 28, 2020
ସମ୍ପ୍ରତି କର୍ଣ୍ଣାଟକରେ କରୋନା ସଂକ୍ରମିତଙ୍କ ସଂଖ୍ୟା ୨୫୩୩ରେ ପହଞ୍ଚିଛି । କେବଳ ଗୁରୁବାର ୧୧୫ ନୂଆ ସଂକ୍ରମଣ ଚିହ୍ନଟ ହୋଇଛନ୍ତି । ଏହି ସ୍ଥିତିରେ ରାଜ୍ୟ ସରକାର ବାରଣ କରିଥିବା ୫ ରାଜ୍ୟରେ କରୋନା ସ୍ଥିତି ଅତ୍ୟନ୍ତ ଗମ୍ଭୀର । ଦେଶର ୧୩ଟି ବଡ଼ ସହର ଯେଉଁଠି କରୋନା ସଂକ୍ରମିତଙ୍କ ସଂଖ୍ୟା ଦେଶର ମୋଟ ସଂକ୍ରମିତଙ୍କ ସଂଖ୍ୟାର ୭୦% । ଏହା ମଧ୍ୟରେ ମହାରାଷ୍ଟ୍ରର ମୁମ୍ବାଇ, ପୁନେ, ଥାନେ, ରାଜସ୍ଥାନର ଯୋଧପୁର ଓ ଜୟପୁର, ଗୁଜରାଟର ଅହମ୍ମଦାବାଦ, ତାମିଲନାଡ଼ୁରୁ ଚେନ୍ନଇ ପରି ସହର ରହିଛି । ଏହାବ୍ୟତୀତ ଚେଙ୍ଗଲପଟ୍ଟୁ, ହାଇଦ୍ରାବାଦ, କଲକତା, ଇନ୍ଦୋର ଆଦି ସହରରେ ସଂକ୍ରମଣ ଗତି ଓ ସଂକ୍ରମିତଙ୍କ ସଂଖ୍ୟା ତୀବ୍ର ଗତିରେ ବୃଦ୍ଧି ପାଇଛି । ଗତ ୨୪ ଘଣ୍ଟା ମଧ୍ୟରେ ଦେଶରେ ୧୯୪ ମୃତ୍ୟୁ ଘଟିଛି ଓ ୬୫୯୯ ନୂଆ ସଂକ୍ରମଣ ମାମଲା ଆଲୋକକୁ ଆସିଛି । ବର୍ତମାନ ସୁଦ୍ଧା ଦେଶରେ ୮୬୧୧୦ ସକ୍ରିୟ ସଂକ୍ରମିତ ରହିଛନ୍ତି ।
