ପିପିଲି : ରାଜଧାନୀ ଭୁବନେଶ୍ୱର ଉପକଣ୍ଠ କୌଶଲ୍ୟାଗଙ୍ଗ ସ୍ଥିତ କୃପାଜଳ ଇଞ୍ଜିନିୟରିଂ କଲେଜର ବେସିକ ସାଇନ୍ସ ଏଣ୍ଡ ହ୍ୟୁମାନିଟିଜ୍ ବିଭାଗ ଆନୁକୂଲ୍ୟରେ ଏବଂ କୋଲକାତା ସ୍ଥିତ ଜାତୀୟ ବୈଷୟିକ ଶିକ୍ଷା, ଗବେଷଣା ଓ ତାଲିମ ପ୍ରତିଷ୍ଠାନ (ଏନ୍ଆଇଟିଟିଟିଆର୍) ସହଯୋଗରେ ‘ୟୁଟିଲାଇଜେସନ ଅଫ୍ ଇନ୍ଷ୍ଟ୍ରକ୍ସନାଲ ମିଡିଆ ଆଣ୍ଡ ସିଏଆଇ ଇନ୍ ଇଫେକ୍ଟିଭ୍ ଟିଚିଙ୍ଗ’ ଶୀର୍ଷକ ଏକ ୫ଦିନିଆ ଅଧ୍ୟାପକ ପ୍ରଶିକ୍ଷଣ ଓ ବିକାଶ କର୍ମଶାଳା ଅନୁଷ୍ଠିତ ହୋଇଯାଇଛି। ଏନ୍ଆଇଟିଟିଟିଆର୍ ର ପ୍ରଫେସର ଡ଼ଃ ସୁବ୍ରତ ଚଟ୍ଟୋପାଧ୍ୟାୟ, କୃପାଜଳ ଇଞ୍ଜିନିୟରିଂ କଲେଜର ପ୍ରତିଷ୍ଠାତା ଡ଼ଃ ଭବାନୀ ଚରଣ ରଥ, ଅନୁଷ୍ଠାନର ନିର୍ଦ୍ଦେଶକ ଡ଼ଃ ଭିରେନ କୁମାର ରଥ, ନିର୍ଦ୍ଦେଶିକା ଶ୍ୱେତା ଖଣ୍ଡେଲୱାଲ, କଲେଜର ଅଧ୍ୟକ୍ଷ ଡ଼ଃ ଦିଲିପ କୁମାର ବିଶ୍ୱାଳ, ପ୍ରଫେସର ଡ଼ଃ ଜଗଦିଶ ଚନ୍ଦ୍ର ପତି, ପ୍ରଫେସର ସ୍ମୃତିଶ୍ରୀ ଅପରାଜିତା, ପ୍ରଫେସର ଡ଼ଃ ସାଗରିକା ଲେଙ୍କା, ପ୍ରଫେସର ଶୁଭ୍ରକାନ୍ତ ପାଲ, ଉତ୍କଳ ରଞ୍ଜନ ଦାଶ, ଶଙ୍କର ମହାନ୍ତି ପ୍ରମୁଖ ଏହି କର୍ମଶାଳାରେ ଯୋଗଦେଇ ଶିକ୍ଷାଦାନ ଏବଂ ଶିକ୍ଷା ପ୍ରକ୍ରିୟାରେ ଭିନ୍ନ ଭିନ୍ନ ନିର୍ଦ୍ଦେଶନାମା ମିଡିଆ ଏବଂ କମ୍ପୁଟର ସହାୟକ ନିର୍ଦ୍ଦେଶକୁ କିପରି ଉପଯୋଗ କରିପାରିବେ ସେ ସଂପର୍କରେ ଆଲୋକପାତ କରିଥିଲେ। ଏଭଳି କାର୍ଯ୍ୟକ୍ରମ ଅଧ୍ୟାପକ, ଅଧ୍ୟାପିକାଙ୍କ ପାଇଁ ଏକାନ୍ତ ଉପାଦେୟ ବୋଲି କୃପାଜଳ ପ୍ରତିଷ୍ଠାତା ଡ଼ଃ ଭବାନୀ ଚରଣ ରଥ ମତ ପ୍ରକାଶ କରିଥିଲେ। ଏହି କର୍ମଶାଳାରେ ରାଜ୍ୟର ବିଭିନ୍ନ ପ୍ରାନ୍ତରୁ ୯୧ଜଣ ଅଧ୍ୟାପକ ଓ ଅଧ୍ୟାପିକା ଯୋଗଦେଇଥିଲେ।
Comments are closed.