ପଶ୍ଚିମବଙ୍ଗରେ ଦିନକୁ ଦିନ ବୃଦ୍ଧି ପାଉଥିବା କରୋନା ମହାମାରୀ ଦ୍ୱାରା କୋଲକାତା ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ପ୍ରଭାବିତ ହୋଇଛି। ଚଳିତ ବର୍ଷ ନଭେମ୍ବରରେ ଆୟୋଜିତ ହେବାକୁ ଥିବା ଏହି ମହୋତ୍ସବ ଆସନ୍ତା ବର୍ଷ ଅନୁଷ୍ଠିତ ହେବ ବୋଲି ମୁଖ୍ୟମନ୍ତ୍ରୀ ମମତା ବାନାର୍ଜୀ ଘୋଷଣା କରିଛନ୍ତି। ମୁଖ୍ୟମନ୍ତ୍ରୀ ମମତା ବାନାର୍ଜୀ ଟୁଇଟ୍ କରି ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ କୋଲକାତା ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଆସନ୍ତା ବର୍ଷ ଜାନୁଆରୀରେ ହେବ ଏବଂ ନଭେମ୍ବରରେ ହେବ ନାହିଁ।
After receiving global film fraternity's consent, I hereby inform all stakeholders of Kolkata International Film Festival & cine lovers that our festival has been rescheduled, given the current circumstances. It will now be held from Jan 8-15, 2021. Let the preparations begin!
— Mamata Banerjee (@MamataOfficial) October 29, 2020
ମମତା ବାନାର୍ଜୀ ଟ୍ୱିଟ୍ କରି କହିଛନ୍ତି, ‘ବିଶ୍ୱ ଚଳଚ୍ଚିତ୍ର ଶିଳ୍ପର ସହମତି ପରେ ମୁଁ ସମସ୍ତ ସିନେ ପ୍ରେମୀଙ୍କୁ କହିବାକୁ ଚାହେଁ ଯେ ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି କୋଲକାତା ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଆସନ୍ତା ବର୍ଷ ଜାନୁଆରୀ ଯାଏଁ ସ୍ଥଗିତ ରଖାଯାଇଛି। ଏହା ବର୍ତ୍ତମାନ ଜାନୁଆରୀ ୮ରୁ ୧୫ ମଧ୍ୟରେ ଅନୁଷ୍ଠିତ ହେବ। ଆସନ୍ତୁ ପ୍ରସ୍ତୁତି ଆରମ୍ଭ କରିବା। ‘
ଅନ୍ୟ ଚଳଚ୍ଚିତ୍ର ମହୋତ୍ସବ ତୁଳନାରେ କୋଲକାତା ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଅତ୍ୟନ୍ତ ଲୋକପ୍ରିୟ ଓ ଏହାକୁ ଚଳଚ୍ଚିତ୍ର ପ୍ରେମୀମାନେ ଆଗ୍ରହର ସହ ଅପେକ୍ଷା କରିଥାନ୍ତି। ଏହି ମହୋତ୍ସବରେ ସିନେମା ଜଗତର ଅନେକ ଶ୍ରେଷ୍ଠ ଚଳଚ୍ଚିତ୍ର ପ୍ରଦର୍ଶନ ହୋଇଥାଏ। ଏଥିରେ ଅନେକ ବଡ ଚଳଚ୍ଚିତ୍ର ବ୍ୟକ୍ତିତ୍ୱ ସାମିଲ ହୋଇଥାନ୍ତି।
