କଲକାତା : ଜଣେ ମହିଳା ରୋଗୀଙ୍କୁ ନିଶ୍ଛେତକ ଦେଇ ବେହୋସ କରିବା ପରେ ବଳାତ୍କାର କରିଥିବା ଅଭିଯୋଗରେ ପଶ୍ଚିମବଙ୍ଗ ପୁଲିସ ମଙ୍ଗଳବାର ଚବିଶ ପ୍ରଗଣା ଜିଲାରେ ଜଣେ ଡାକ୍ତରଙ୍କୁ ଗିରଫ କରିଛି। ପୀଡିତାଙ୍କ ଅଭିଯୋଗ ଅନୁଯାୟୀ କିଛି ଦିନ ପୂର୍ବେ ଦେହ ଖରାପ ହେବାରୁ ସେ ଏହି ଡାକ୍ତରଙ୍କ ନିକଟକୁ ଯାଇଥିଲେ। ସେତେବେଳେ ମହିଳାଙ୍କ ସ୍ବାମୀ କୌଣସି କାର୍ଯ୍ୟରେ ରାଜ୍ୟ ବାହାରକୁ ଯାଇଥିଲେ। ଅଭିଯୁକ୍ତ ଡାକ୍ତର ପ୍ରଥମେ ମହିଳାଙ୍କୁ ନିଶ୍ଛେତକ ଦେବା ପରେ ବଳାତ୍କାର କରିଥିଲେ। ଏପରିକି ଡାକ୍ତର ଜଣକ ବଳାତ୍କାର ସମୟର କେତେକ ଆପତ୍ତିଜନକ ଫଟୋ ମଧ୍ୟ ଉଠାଇଥିବା ଅଭିଯୋଗ ହୋଇଛି। ପୁଲିସରେ ଖବର ଦେଲେ ଏହି ଫଟୋଗୁଡିକୁ ସାମାଜିକ ଗଣମାଧ୍ୟମରେ ଭାଇରାଲ କରିବାକୁ ମଧ୍ୟ ସେ ପୀଡିତାଙ୍କୁ ଧମକ ଦେଇଥିଲେ। ମହିଳାଙ୍କୁ ବ୍ଲାକ୍ମେଲ କରି ସଂପୃକ୍ତ ଡାକ୍ତର ଇତିମଧ୍ୟରେ ମହିଳାଙ୍କ ନିକଟରୁ ୪ ଲକ୍ଷ ଟଙ୍କା ନେଇଯାଇଥିବା ଜଣାପଡିଛି। ସମ୍ମାନହାନି ଦୃଷ୍ଟିରୁ ମହିଳା ଜଣକ ଏ ପ୍ରସଙ୍ଗ କାହାରି ଆଗରେ ପ୍ରକାଶ କରିନଥିଲେ। ସ୍ବାମୀ ଘରକୁ ଫେରିବା ପରେ ସେ ସବୁକଥା ତାଙ୍କ ଆଗରେ ବଖାଣିଥିଲେ। ସ୍ବାମୀଙ୍କ ପରାମର୍ଶକ୍ରମେ ପୀଡିତା ଥାନାରେ ଏତଲା ଦାଏର କରିବା ପରେ ସଂପୃକ୍ତ ଡାକ୍ତରଙ୍କୁ ଗିରଫ କରାଯାଇଛି। ଅଦାଲତରେ ହାଜର କରାଯିବା ପରେ ଡାକ୍ତରଙ୍କୁ ପାଞ୍ଚ ଦିନିଆ ପୁଲିସ ହାଜତରେ ରହିବାକୁ ବିଚାରପତି ନିର୍ଦେଶ ଦେଇଛନ୍ତି।
Popular Categories
Previous article
Next article