ଖୁଣ୍ଟା : ମୟୁରଭଞ୍ଜ ଜିଲା ଖୁଣ୍ଟା ବଜାରର ଏକ ମୋବାଇଲ ଦୋକାନରୁ ଲକ୍ଷାଧିକ ଟଙ୍କାର ମୂଲ୍ୟବାନ ମୋବାଇଲ ସମେତ କମ୍ପ୍ୟୁଟର ସାମଗ୍ରୀ ଚୋରି ହୋଇଥିବା ଜଣାପଡିଛି । ସୂଚନା ମୁତାବକ, ବୁଧବାର ରାତିରେ ଦୋକାନର ଅଜବେଷ୍ଟସ୍ ଭାଙ୍ଗି ଚୋରି କରାଯାଇଛି। ଚୋରିସାମଗ୍ରୀ ମଧ୍ୟରେ ମୂଲ୍ୟବାନ ଆଣ୍ଡ୍ରଏଡ଼ ମୋବାଇଲ, କମ୍ପ୍ୟୁଟର ସିପିୟୁ ରହିଥିବା ବେଳେ ସିସି ଟିଭିର ହାର୍ଡ ଡିସ୍କ ମଧ୍ୟ ରହିଥିବା ଜଣାପଡିଛି। ଚୋରିସାମଗ୍ରୀର ମୂଲ୍ୟ ୨ଲକ୍ଷ ଟଙ୍କାରୁ ଅଧିକ ହେବ ବୋଲି ଦୋକାନ ମାଲିକ ସମୀର ମହାନ୍ତି ଖୁଣ୍ଟା ଥାନାରେ ଅଭିଯୋଗ କରିଛନ୍ତି। ଜନଗହଳି ପୂର୍ଣ୍ଣ ଖୁଣ୍ଟା ବାଇପାସ ଛକର ରାଜପଥ ପାର୍ଶ୍ୱରେ ଉକ୍ତ ଦୋକାନ ରହିଥିବା ବେଳେ ରାତିରେ ବଜାରରେ ପୁଲିସ ପହରା ଦିଆଯାଇଥାଏ । ଗୁରୁବାର ସକାଳେ ମାଲିକ ଦୋକାନ ଖୋଲିବା ବେଳକୁ ଛପର ଅଜବେଷ୍ଟସ୍ ଖୋଲାଯାଇଥିବା ଓ ମୋବାଇଲ, କମ୍ପ୍ୟୁଟର ଆଦି ଚୋରିହୋଇଥିବା ଦେଖିଥିଲେ । ଏପରି ଏକ ସ୍ଥାନରୁ ଚୋରି ହେବା ପରେ ଖୁଣ୍ଟା ବଜାରର ଦୋକାନୀ ମାନଙ୍କ ମଧ୍ୟରେ କୋକୁଆ ଭୟ ଖେଳିଯାଇଛି ।
Popular Categories
Previous article
Next article