ଖୋର୍ଦ୍ଧା : ଖୋର୍ଦ୍ଧା ଜିଲାରେ ରବିବାକ ୨ଟି ପୃଥକ ସ୍ଥାନରେ ଦୁଇ ଜଣ ବାଳିକାଙ୍କୁ ଦୁଷ୍କର୍ମ ହୋଇଥିବା ଅଭିଯୋଗ ହୋଇଛି। ଦୁଇ ଜଣ ବାଳିକାଙ୍କୁ ମଧ୍ୟରେ ଜଣେ ଦିବ୍ୟାଙ୍ଗଥିବା ବେଳେ ଅନ୍ୟଜଣେ ୮ବର୍ଷର ଶିଶୁ କନ୍ୟା ହୋଇଥିବା ଜଣାପଡ଼ିଛି।
ସୂଚନା ଅନୁସାରେ, ଖୋର୍ଦ୍ଧା ଜିଲା ଆଦର୍ଶ ଥାନା ଅନ୍ତର୍ଗତ ଶରଧାପୁର ଅଞ୍ଚଳର ଜଣେ ଦିବ୍ୟାଙ୍ଗ ବାଳିକା(୧୯)କୁ ବଳତ୍କାର ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା । ଖବର ପାଇ ଆଦର୍ଶ ଥାନା ପୁଲିସ ଘଟଣାସ୍ଥଳରେ ପହଞ୍ଚି ଦଦନ୍ତ ଆରମ୍ଭ କରି ଜଣେ ୨୪ ବର୍ଷୀୟ ଯୁବକକୁ ଅଟକ ରଖି ଥାନାରେ ପଚରା ଉଚରା କରିବା ସହିତ ଡାକ୍ତରୀ ମାଇନା କରିଛି ।
ସେହିପରି ଖୋର୍ଦ୍ଧା ଜିଲା ବେଗୁନିଆ ଥାନା ଅନ୍ତର୍ଗତ ବଡ଼ବେରଣା ଗାଁରେ ଏକ ୮ ବର୍ଷର ଶିଶୁ କନ୍ୟାକୁ ଦୁଷ୍କର୍ମ କରାଯାଇଥିବା ଅଭିଯୋଗ ସାମ୍ନାକୁ ଆସିଛି। ବିଦ୍ୟାଳୟ ଛୁଟି ଥିବାରୁ ଶିଶୁକନ୍ୟାଟି ତାର ମାମୁଁ ଘର ବଡ଼ବେରଣା ଗାଁକୁ ବୁଲିବାକୁ ଯାଇଥିଲା। ରବିବାର ସକାଳୁ ଶୌଚ ପାଇଁ ଗାଁ ପାଖ ପୋଖରୀକୁ ଯାଇଥିବା ସମୟରେ ସେହି ଗାଁର ମୂଷା ସ୍ୱାଇଁ(୨୪) ବାଳିକାକୁ ଏକ ନିକାଂଚନ ଜାଗାକୁ ଉଠାଇ ନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଏନେଇ ପରିବାର ପକ୍ଷରୁ ବେଗୁନିଆ ଥାନାରେ ଏକ ଏତଲା ଦିଆ ଯାଇଥିବା ବେଳେ ସମ୍ପୃକ୍ତ ଯୁବକକୁ ଅଟକ ରଖି ପୁଲିସ ପଚରା ଉଚରା ଜାରି ରଖିଛି। ଏସଡିପିଓ ସୁଶୀଲ ମିଶ୍ର ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ କରୁଥିବା ଜଣାପଡିଛି।
Comments are closed.