ଢାକା : କାରାଗାରରେ ଥିବା ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ତଥା ବିରୋଧୀ ଦଳ ନେତ୍ରୀ ଖାଲେଦା ଜିଆ ଗୁରୁତର ଅସୁସ୍ଥ ହୋଇପଡ଼ିଛନ୍ତି। ତାଙ୍କୁ ଶନିବାର ବଙ୍ଗବନ୍ଧୁ ସେଖ୍ ମୁଜିବ ମେଡିକାଲ ବିଶ୍ୱବିଦ୍ୟାଳୟରେ ଭର୍ତ୍ତି କରାଯାଇଛି। ଦେଶର ହାଇକୋର୍ଟ ନିର୍ଦେଶକ୍ରମେ ଏହି ପଦକ୍ଷେପ ନିଆଯାଇଛି। ଊନବିଂଶ ଶତାବ୍ଦୀର ପୁରୁଣା ଢ଼ାକା କେନ୍ଦ୍ରୀୟ କାରାଗାରରେ ବନ୍ଦୀ ଥିବା ୭୩ବର୍ଷୀୟା ଜିଆଙ୍କୁ ଡାକ୍ତରଖାନା ଅଣାଯିବା ପରେ ତାଙ୍କର ଚିକିତ୍ସା ପାଇଁ ଏକ ସ୍ୱତନ୍ତ୍ର ମେଡିକାଲ ବୋର୍ଡ ଗଠନ କରାଯାଇଛି। ତାଙ୍କ ଅସୁସ୍ଥତା ସମ୍ପର୍କରେ ବିଶେଷ କିଛି କୁହାଯାଇନାହିଁ।
ବାଂଲାଦେଶ ନ୍ୟାସନାଲିଷ୍ଟ ପାର୍ଟି ନେତ୍ରୀ ଜିଆ ଦୁର୍ନୀତି ଅଭିଯୋଗରେ ଗତ ଫେବୃଆରୀରୁ ୫ବର୍ଷ କାରାଦଣ୍ଡ ଭୋଗୁଛନ୍ତି।
