କେଶଦୁରାପାଳ : କେନ୍ଦୁଝର ଜିଲା ସୀମାନ୍ତ ଆନନ୍ଦପୁର ଥାନା ଅନ୍ତର୍ଗତ ପଣସଗଡିଆ ଗ୍ରାମରେ ଆଜି ବଜ୍ରଘାତରେ ଜଣେ ବାଳକ ମୃତ ହୋଇଥିବା ଜଣାପଡିଛି । ଗାଁ ପାଖ ସ୍କୁଲ ନିକଟରେ ଖେଳୁଥିବା ସମୟରେ ବଜ୍ରଘାତରେ ଗ୍ରାମର ବୁଧୁରାମ ଗାଗରାଇ ପୁଅ ସୁଶାନ୍ତ ଗାଗରାଇ (୭) ଗୁରୁତର ହୋଇଥିଲା। ୧୦୮ ଆମ୍ବୁଲାନ୍ସ ଯୋଗେ ଠାକୁରମୁଣ୍ଡା ଡାକ୍ତରଖାନା ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ମୃତ୍ୟୁ ଘୋଷଣା କରିଥିଲେ।
ସେହିପରି କେଶଦୁରାପାଳ ବଜ୍ରପାତରେ ୨ଜଣ ମହିଳା ଗୁରୁତର ହୋଇ ଆନନ୍ଦପୁର ଡାକ୍ତରଖାନାରେ ଭର୍ତ୍ତି ହୋଇଥିବା ଜଣାପଡ଼ିଛି।
ଛେନାପଦି ଗ୍ରାମର ମନୋରମା ସାହୁ (୫୦) ଘରେ କାମ କରିଥିବା ବେଳେ ସଂନ୍ଧ୍ୟା ସମୟରେ ଖୁବ୍ ଜୋରରେ ବର୍ଷା ହେବା ସହିତ ଘଡ ଘଡି ବିଜୁଳ ମାରିଥିଲା। ଫଳରେ ଛେନାପଦି ଗ୍ରାମର ମନୋରମା (୫୦) ଅଚେତ ହୋଇଯାଇଥିଲେ। ପରିବାର ଲୋକେ ୧୦୮ ଯୋଗେ ତାଙ୍କୁ ଆନନ୍ଦପୁର ଡାକ୍ତରଖାନାକୁ ଆଣିଥିବା ବେଳେ ଆନନ୍ଦପୁର ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡ଼ିଛି। ସେହିପରି ଘସି ପୁରା ଥାନା ଅନ୍ତର୍ଗତ ବ।ଙ୍ଗୋର କୋଟା ଗ୍ରାମର ବୁଦ୍ଧଦେବ ରାଉତଙ୍କ ସ୍ତ୍ରୀ ସଂଯୁକ୍ତା ରାଉତ (୩୦) ନିଜ ଘର ନିକଟରେ ଥିବା ନଳ କୂଅରୁ ପାଣି ଆଣିବାକୁ ଯାଇଥିବା ବେଳେ ହଠାତ ବର୍ଷା ହେବା ସହିତ ଘଡ ଘଡି ବିଜୁଳି ମାରିଥିଲା। ଏଥିରେ ସଂଯୁକ୍ତା ଗୁରୁତର ଭାବେ ଆହତ ହୋଇଥିବା ବେଳେ ପରିବାର ଲୋକେ ତାଙ୍କୁ ବାଇକ୍ ଯୋଗେ ତାଙ୍କୁ ଆନନ୍ଦପୁର ଡାକ୍ତରଖାନାକୁ ଆଣିଥିବା ବେଳେ ଆନନ୍ଦପୁର ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡ଼ିଛି।
Comments are closed.