କେଶଦୁରାପାଳ: କେନ୍ଦୁଝର ଜିଲା ଘସିପୁରା ବ୍ଳକ କେଶଦୁରାପାଳ ଅଞ୍ଚଳରେ କାଳବୈଶାଖୀର ତାଣ୍ଡବ ଦେଖିବାକୁ ରହିଛି। କାଳ ବୈଶାଖୀର ତାଣ୍ଡବରେ କେଶଦୁରାପାଳ, ବାଲିପାଳ, ମଙ୍ଗଳପୁର ଗାଁରେ ବ୍ୟାପକ କ୍ଷୟକ୍ଷତି ହୋଇଛି। ବର୍ଷା ଓ ପବନରେ ଲୋକଙ୍କର ଚାଳ, ଛପର, ଆଜବେଷ୍ଟସ୍ ଛାତ ଉଡ଼ିଯାଇଛି। ରାସ୍ତାରେ ଗଛପଡ଼ି ଯାନବାହାନ ଚଳାଚଳ ବ୍ୟାହତ ହୋଇଛି। ରଜ ମଉଜ ପାଇଁ ଆୟୋଜନ ହୋଇଥିବା ବିଭିନ୍ନ ପେଣ୍ଡାଲର ବ୍ୟାପକ କ୍ଷୟକ୍ଷତି ହୋଇଛି। ଆଜି ମଧ୍ୟାହ୍ନରେ ଆସିଥିବା ବର୍ଷା ଓ ପବନର ତୀବ୍ରତା ଯୋଗୁଁ ଘରର ଛାତ ଉଡ଼ାଇ ନେବା ସହ, ବଡ଼ ବଡ଼ ଗଛ ଉପୁଡ଼ି ପଡ଼ିଛି । ବିଦ୍ୟୁତ୍ ତାର ମଧ୍ୟ ଛିଡ଼ିଯିବାରୁ ବିଦ୍ୟୁତ୍ ସରବରାହ ବ୍ୟାହତ ହୋଇଛି। ବର୍ଷା ଜାରି ରହିଥିବା କାରଣରୁ ଲୋକଙ୍କର ଦୁଃଖ ବଢିଯାଇଛି।
Comments are closed.