ବୌଦ୍ଧ: ବୌଦ୍ଧ କଣ୍ଟାମାଳ ରେଞ୍ଜ ବନ ବିଭାଗକୁ ବଡ ସଫଳତା ମିଳିଛି। ଖୁଣ୍ଟିଗୋରା ଛକରୁ କେନ୍ଦୁ କାଠ ଜବତ କରିବା ସହ ଘଟଣାରେ ଦୁଇ ଜଣଙ୍କୁ ଗିରଫ କରାଯାଇଛି। ସୂଚନା ମୂତାବକ ବୌଦ୍ଧ ବନଖଣ୍ଡ ଅଧିକାରୀଙ୍କ ନିର୍ଦ୍ଦେଶ କ୍ରମେ କଣ୍ଟାମାଳ ରେଞ୍ଜରଙ୍କ ନେତୃତ୍ବରେ ବନ ବିଭାଗର ସ୍ପେଶାଲ୍ ଟିମ୍ ଶୁକ୍ରବାର ବିଳମ୍ବିତ ରାତିରେ ପାଟ୍ରୋଲିଂ କରୁଥିଲେ। ସେହି ସମୟରେ ଖୁଣ୍ଟିଗୋରା ଛକ ନିକଟରେ ଏକ ଧାନ ବୋଝେଇ ଟ୍ରକ ଯାଉଥିବା ଦେଖି ଅଟକାଇଥିଲେ । ଟ୍ରକ୍ ଟିକୁ ଯାଞ୍ଚ କରିବା ସମୟରେ ଧାନ ବସ୍ତା ମଧ୍ୟରୁ କେନ୍ଦୁ କାଠ କାଠ ଗଣ୍ଡି ଥିବା ଦେଖିବାକୁ ପାଇଥିଲେ। ବନ ବିଭାଗ ଉକ୍ତ ଟ୍ରକରୁ ୪୦ ଖଣ୍ଡ କେନ୍ଦୁ କାଠ ଜବତ କରିବା ସହ ବେଆଇନ କାଠ ଚାଲାଣ କରୁଥିବା ଅଭିଯୋଗରେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିଛି।
Popular Categories
Previous article
Next article