ନୂଆଦିଲ୍ଲୀ: ଲୋକସଭାରେ ଅନାସ୍ଥା ପ୍ରସ୍ତାବ କାଟ ଖାଇଛି । ବାଚନିକ ଭୋଟରେ ଏହା ସପକ୍ଷରେ କମ୍ ଓ ବିରୋଧରେ ଅଧିକ ଭୋଟ୍ ପଡିଥିଲା । ଏହାପରେ ବାଚସ୍ପତି ଡିଭିଜନ କରିଥିଲେ । ଏହାପରେ ମତ ଗ୍ରହଣ କରାଯାଇଥିଲା । ସଂସଦର ବିଧି ବ୍ୟବସ୍ଥା ଅନୁସାରେ ଲୋକ ସଭାର ମହାସଚିବ ସ୍ନେହଲତା ଶ୍ରୀବାସ୍ତବ କିପରି ମତଦାନ କରାଯିବ ସେ ବିଷୟରେ ଜଣାଇଥିଲେ । ଡିଭିଜନ୍ରେ ୪୫୧ ଜଣ ସଦସ୍ୟ ମତ ଦାନ କରିଥିଲେ । ଏଥିରେ ୧୨୬ ଜଣ ସପକ୍ଷରେ ଓ ୩୨୫ ଜଣ ଅନାସ୍ଥା ପ୍ରସ୍ତାବ ବିରୋଧରେ ମତ ଦାନ କରିଥିଲେ । ଫଳରେ ଅନାସ୍ଥା ପ୍ରସ୍ତାବ ବହୁମତ ବ୍ୟବଧାନରେ କାଟ ଖାଇଯାଇଛି ।
ମୋଦିଙ୍କ ସରକାର ସୁରକ୍ଷିତ ହୋଇଥିବା ବେଳେ ସଂସଦରେ ବିରୋଧି ଦଳମାନେ ଆଣିଥିବା ଅନସ୍ଥା ପ୍ରସ୍ତାବ ବହୁ ବ୍ୟବଧାନରେ କାଟ ଖାଇଛି । ଶୁକ୍ରବାରରେ ଏଥିପାଇଁ ଦିନ ବ୍ୟାପୀ ଆଲୋଚନା ହୋଇଥିଲା । ବିଜେଡିର ସାସଂଦମାନେ ଗୃହତ୍ୟାଗ କରିଥିବା ବେଳେ ଶିବସେନାର ଲୋକ ସଭା ସଦସ୍ୟମାନେ ସଂସଦକୁ ଆସି ନଥିଲେ ।