ରେଙ୍ଗାଲି: ରେଙ୍ଗାଲି ବ୍ଳକର ଠେଲୋକୋଲୋଇଠାରେ ଥିବା ଜେଏସଡବ୍ଳ୍ୟୁ- ଭୂଷଣ ଷ୍ଟିଲ୍ ଆଣ୍ଡ୍ ପାୱାର ଲିଃ ଟାଉନସିପରେ ପବିତ୍ର କାର୍ତ୍ତିକ ପୂର୍ଣ୍ଣିମା, ଦେବ ଦୀପାବଳି ଏବଂ ବାଲିଯାତ୍ରା ହର୍ଷୋଲ୍ଲାସର ସହିତ ପାରମ୍ପାରିକ ବିଧି ବିଧାନରେ ସମ୍ପନ୍ନ ହୋଇଛି । ଏହି ଅବସରରେ ସୂର୍ଯ୍ୟୋଦୟ ପୂର୍ବରୁ ଟାଉନସିପ୍ରେ ରହୁଥିବା ସମସ୍ତ ପରିବାର ସଦସ୍ୟ ଶିଶୁମାନଙ୍କ ସହିତ ଟାଉନସିପ୍ ପରିସରରେ ଥିବା ରଙ୍ଗୀନ ଆଲୋକମାଳାରେ ସୁସଜ୍ଜିତ ଓ ଭକ୍ତି ସଙ୍ଗୀତରେ ମୁଖରିତ ପୁଷ୍କରିଣୀ ତଟରେ ଏକତ୍ରିତ ହୋଇ ଦୀପ ପ୍ରଜ୍ବଳନ କରିଥିଲେ । ବିଧିମତେ ପୂଜା ଅର୍ଚ୍ଚନା କଲାପରେ ଇକୋ ଫ୍ରେଣ୍ଡଲି ପଦ୍ଧତିରେ ନିର୍ମିତ ବୋଇତ ବନ୍ଦାଣ କରି ପୁଷ୍କରିଣୀ ପାଣିରେ ଡଙ୍ଗା ଭସାଇଥିଲେ । ଏହି ଅବସରରେ ଜେଏସଡବ୍ଳ୍ୟୁ-ବିପିଏସଏଲର ସଭାପତି ଅନିଳ କୁମାର ସିଂହ, ବରିଷ୍ଠ ଉପ-ସଭାପତି(ପ୍ରଶାସନ) ଧନଞ୍ଜୟ ସିହ୍ନା, ମାନବ ବିଭାଗ ଉପସଭାପତି ଜେ.ପି ସିଂହ ପ୍ରମୁଖ ଉପସ୍ଥିତ ରହି ଅଂଶଗ୍ରହଣକାରୀଙ୍କୁ ଉତ୍ସାହିତ କରିଥିଲେ ।
Comments are closed.