ବୁର୍ଲା : ମୟୁରଭଞ୍ଜରେ ଆୟୋଜିତ ହୋଇଥିବା ରାଜ୍ୟ ସ୍ତରୀୟ କରାଟେ ପ୍ରତିଯୋଗିତାରେ ବୁର୍ଲା ସହରର କୁନି ଝିଅ ଚମତ୍କାର ପ୍ରଦର୍ଶନ କରିଛନ୍ତି । କନିଷ୍ଠ ବର୍ଗରେ ଅଂଶଗ୍ରହଣ କରି ଦୁଇଟି ସ୍ୱର୍ଣ୍ଣ ପଦକ ହାତେଇଛନ୍ତି। ଏହି କୁନି ବାଳିକା ଜଣକ ହେଉଛନ୍ତି ବୁର୍ଲା ୱାନଆର କଲୋନୀର ସୁରେନ୍ଦ୍ର ବେହେରାଙ୍କ ୬ ବର୍ଷିଅ ଝିଅ ଆରୋସି ବେହେରା । ଆରୋସି ବୁର୍ଲା ଅରବିନ୍ଦ ପୁର୍ଣ୍ଣାଙ୍ଗ ବିଦ୍ୟାଳୟର ଛାତ୍ରୀ ବୋଲି ଜଣାପଡିଛି ।
ମିଳିଥିବା ସୂଚନା ମତେ ମୟୁରଭଞ୍ଜର କରଞ୍ଜିଆରେ ଆୟୋଜିତ ହୋଇଥିବା ରାଜ୍ୟ ସ୍ତରୀୟ ସୋଟୋକାନ୍ କରାଟେ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏହି ପ୍ରତିଯୋଗିତାରେ ରାଜ୍ୟର ବିଭିନ୍ନ ଜିଲ୍ଲାର ପ୍ରତିଯୋଗିମାନେ ଅଂଶ ଗ୍ରହଣ କରିଥିଲେ । ସେହିପରି ସମ୍ବଲପୁର ଜିଲ୍ଲାରୁ କନିଷ୍ଠ ବର୍ଗରେ ବୁର୍ଲାର ଆରୋସି ଅଂଶଗ୍ରହଣ କରିଥିଲେ। ତେବେ ଆରୋସି ଏହି ପ୍ରତିଯୋଗିତାରେ ଦୁଇଟି ସ୍ୱର୍ଣ୍ଣ ପଦକ ହାତେଇଥିବା ଜଣାପଡିଛି । କେରାଟେ ପ୍ରତିଯୋଗିତାରେ ଗୋଟିଏ ସ୍ୱର୍ଣ୍ଣ ପଦକ ହାତେଇଥିବା ବେଳେ ଫାଇଟରେ ଗୋଟିଏ ସ୍ୱର୍ଣ୍ଣ ପଦକ ଜିତିଥିବା ଜଣାପଡିଛି କୁନି ଝିଅ ଆରୋସିଙ୍କ ଏଭଳି ଚମତ୍କାର ପ୍ରଦର୍ଶନ ତଥା ଏଭଳି ବିଜୟକୁ ନେଇ ବିଭିନ୍ନ ମହଲରେ ପ୍ରଶଂସା କରାଯାଇଛି । କରାଟେ ମାଷ୍ଟର୍ ଦିଲ୍ଲିପ କୁମାର ନାୟକଙ୍କ ଠାରୁ ସ୍ୱର୍ଣ୍ଣ ପଦକ ବିଜେତା ଆରୋସି କରାଟେ ତାଲିମ ନେଉଥିବା ଜଣାପଡିଛି ।
ରାଜ୍ୟସ୍ତରୀୟ କନିଷ୍ଠ ବର୍ଗ କେରାଟେ : ସ୍ୱର୍ଣ୍ଣପଦକ ହାତେଇଲେ କୁନିଝିଅ ଆରୋସି
Popular Categories
Previous article
Next article