ଜାତୀୟସ୍ତରୀୟ ଖୋଖୋ ପ୍ରତିଯୋଗିତା, ଗୁଜରାଟକୁ ହରାଇ ଓଡ଼ିଶା ଚାମ୍ପିଅନ

କଣ୍ଟାବାଞ୍ଜି: କଣ୍ଟାବାଞ୍ଜି ରେଳବାଇ ଖେଳପଡିଆଠାରେ ଗତ ଦୁଇ ଦିନ ଧରି ଚାଲିଥିବା ଜାତୀୟ ସ୍ତରୀୟ ୭ ବ୍ଲକ ଖୋଖୋ ପ୍ରତଯୋଗିତାରେ ଗୁଜରାଟକୁ ହରାଇ ଓଡ଼ିଶା ଚାମ୍ପିଅନ ହୋଇଛି। ଉଦଯାପନୀ ଉତ୍ସବରେ ଓଡିଶା ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ. ମୁକେଶ ମହାଲିଙ୍ଗ ମୁଖ୍ୟଅତିଥି ଭାବେ ଯୋଗଦେଇଥିବା ବେଲେ ସମ୍ନାନିତ ଅତିଥି ଭାବେ କଂଟାବାଞ୍ଜି ବିଧାୟକ ଲକ୍ଷ୍ମଣ ବାଗ, ଜିଲ୍ଲା ସଭାପତି ଶିବାଜୀ ମହାନ୍ତି, ତୁରେକେଲା ସରପଂଚ ସଂଘ ସଭାପତି ଜଳନ୍ଧର ମହାକୁଡ, କାର୍ଯ୍ୟକାରୀ ସଭାପତି ସନ୍ତୋଷ ଅଗ୍ରୱାଲ, ମୁଖ୍ୟ ସଂଯୋଜକ ସୁଭେନ୍ଦ୍ର ମହାନ୍ତି, ସାଧାରଣ ସମ୍ପାଦକ ଚିନ୍ମୟ ଯୋଶୀ, ଓଡିଶା ୭ବ୍ଲକ ଖୋଖୋ ସଂଘ ସାଧାରଣ ସଂପାଦକ ସନ୍ତୋଷ ପାଲ, ଜାତୀୟ ୭ବ୍ଲକ ଖୋଖୋ ସଂଘ ସାଧାରଣ ସଂପାଦକ ବିଜୟାନନ୍ଦ ମହାପାତ୍ର ପ୍ରମୁଖ ମଂଚାସୀନ ରହିଥିଲେ । ଆଜିର ଫାଇନାଲ ଖେଳ ପୁରୁଷ ଗୁଜରାଟ ଏବଂ ଓଡିଶା ମଧ୍ୟରେ ହୋଇଥିବା ବେଳେ ଓଡିଶା ଦଳ ଏଥିରେ ବିଜୟ ହାସଲ କରି ଚାମ୍ପିଅନ ହୋଇଛି । ସେହିପିର ମହିଳା ଓଡିଶା(ୱେଷ୍ଟ) ଏବଂ ଓଡିଶା (ସି) ମଧ୍ୟରେ ଅନୁଷ୍ଠିତ ହୋଇଥିବା ବେଳେ ଓଡିଶା ( ୱେଷ୍ଟ) ଫାଇନାଲରେ ବିଜୟ ହାସଲ କରିଛି। ତେବେ ମୁଖ୍ୟ ଅତିଥି ଶ୍ରୀ ମହାଳିଙ୍ଗଙ୍କ ଦ୍ୱାରା ଦୁଇ ଦଳକୁ ଟ୍ରଫି ସହ ମାନ ପତ୍ର ଦେଇ ସମ୍ନାନିତ କରାଯାଇଥିଲା। ତେବେ ବଲାଙ୍ଗୀର ଜିଲ୍ଲାର କଂଟାବାଞ୍ଜି ଭଳି ସ୍ଥାନରେ ଏଭଳି ଖେଳ ଆୟୋଜିତ ହୋଇଥିବାରୁ ମନ୍ତ୍ରୀ ଶ୍ରୀ ମହାଲିଙ୍ଗ ସମସ୍ତଙ୍କୁ ଶୁଭେଚ୍ଛା ଜଣାଇଥିଲେ। ଆଗାମୀ ଦିନରେ କ୍ରୀଡ଼ା ଭିତ୍ତିଭୂମି ଉପରେ ନଜର ଦିଆଯିବ ଏବଂ ଏଭଳି ଖେଳ ପ୍ରତିଯୋଗିତା ଅନୁଷ୍ଠିତ ହେବ ବୋଲି ମନ୍ତ୍ରୀ କହିଛନ୍ତି। ଏହି ୭ବ୍ଲକ ଖୋଖୋ ଖେଳ ପରିଚାଳନାରେ କମିଟିର ସମସ୍ତ ସଦସ୍ୟ ସହଯୋଗ କରିଥିଲେ।