ମୁମ୍ବାଇ: ବଲିଉଡ ଅଭିନେତା କଙ୍ଗନା ରଣାୱତ ଏବଂ ତାଙ୍କ ଭଉଣୀ ରଙ୍ଗୋଲି ଚାନ୍ଦେଲଙ୍କୁ ନୋଟିସ ଜାରି କରିଛି ମୁମ୍ସେବାଇ ପୁଲିସ । ନଭେମ୍ବର ୧୦ ସୁଦ୍ଧା ହାଜର ହେବାକୁ ଉଭୟଙ୍କୁ ନୋଟିସ ଜାରି କରାଯାଇଛି । ପୂର୍ବରୁ ଏକ କଙ୍ଗନା ଓ ରଙ୍ଗୋଲିଙ୍କୁ ମଧ୍ୟ ପୁଲିସ ନୋଟିସ ଜାରି କରିଥିଳା । ଦ୍ବିତୀୟବାର ଏହି ନୋଟିସ ଜାରି କରାଯାଇଛି । ଅନ୍ୟପକ୍ଷରେ କଙ୍ଗନାଙ୍କ ଓକିଲ କହିଛନ୍ତି ଯେ ଉଭୟ ଏବେ ହିମାଚଳ ପ୍ରଦେଶରେ ଅଛନ୍ତି ଏବଂ ତାଙ୍କ ସମ୍ପର୍କୀୟ ଭାଇଙ୍କ ବିବାହ ପ୍ରସ୍ତୁତିରେ ବ୍ୟସ୍ତ ଅଛନ୍ତି ।
ଗତ ମାସରେ ବାନ୍ଦ୍ରା ମେଟ୍ରୋପଲିଟାନ ମାଜିଷ୍ଟ୍ରେଟଙ୍କ କୋର୍ଟ ବଲିଉଡ କାଷ୍ଟିଂ ନିର୍ଦ୍ଦେଶକ ତଥା ଫିଟନେସ ପ୍ରଶିକ୍ଷକ ମୁନାୱର ଅଲି ସୟିଦଙ୍କ ଦ୍ୱାରା କରାଯାଇଥିବା ଅଭିଯୋଗର ଅନୁସନ୍ଧାନ କରିବାକୁ ପୁଲିସକୁ ନିର୍ଦ୍ଦେଶ ଦେଇଥିଲା। ଏହା ଆଧାରରେ ମୁମ୍ବାଇ ପୁଲିସ ଆଇପିସି ଧାରା ୧୫୩-ଏ (ଧର୍ମ, ଜାତି ଇତ୍ୟାଦି କାରଣରୁ ବିଭିନ୍ନ ଗୋଷ୍ଠୀ ମଧ୍ୟରେ ଶତ୍ରୁତାକୁ ପ୍ରୋତ୍ସାହିତ କରିବା), ୨୯୫-ଏ (ଧାର୍ମିକ ଭାବନାକୁ ଆଘାତ ଦେଉଥିବା କାର୍ଯ୍ୟ) ଏବଂ ୧୨୪-ଏ ଅନୁଯାୟୀ ରଣାୱାତ ଭଉଣୀଦ୍ବୟଙ୍କ ବିରୋଧରେ ମାମଲା ରୁଜୁ କରିଛି ।
