ଫୁଲବାଣୀ: କନ୍ଧମାଳ ଜିଲ୍ଲା ଖଜୁରୀପଡା ବ୍ଲକର ଦୀର୍ଘବର୍ଷ ଧରି ରହି ଆସିଥିବା ସମସ୍ୟା ପ୍ରତି ପ୍ରାଥମିକତା ଦେଇ ଖଜୁରୀପଡା ଭାରତୀୟ ଜନତାପାର୍ଟି ତରଫରୁ ଫୁଲବାଣୀ ବିଧାୟକ ଉମାଚରଣ ମଲିକଙ୍କ ଜରିଆରେ ବିଭାଗୀୟ ମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯାଇଛି । ଦାବୀପତ୍ରରେ ପ୍ରମୁଖ ଦାବି ଭାବେ ଖଜୁରୀପଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଆବଶ୍ୟକ ଡାକ୍ତର, ମେଡିକାଲର ବିଭିନ୍ନ ସମସ୍ୟା, ଖଜୁରୀପଡା ଠାରେ କ୍ରୀଡା କ୍ଷେତ୍ରରେ ବିକାଶ ଏବଂ ବିଭିନ୍ନ ଅନୁଷ୍ଠାନିକ କାର୍ଯ୍ୟକ୍ରମ ପାଇଁ ମିନି ଷ୍ଟାଡିୟମ ନିର୍ମାଣ, ଫୁଲବାଣୀ ଠାରୁ ବ୍ରହ୍ମପୁର ବସ ସେବା ଏବଂ ବିଭିନ୍ନ ଅଞ୍ଚଳରେ ରହିଥିବା ଗମନାଗମନ ସମସ୍ୟା ଦୂର କରିବା ପାଇଁ ଜଣାଇଛନ୍ତି । ଏହାସହିତ ସେତୁ ନିର୍ମାଣ ସହ ଦଳପଡା ଗ୍ରାମ ପଞ୍ଚାୟତ କାଳୀପଦର ଠାରୁ ଚକାପାଦ ବ୍ଲକ ନାଣୀଗୁଣ୍ଡା ପର୍ଯ୍ୟନ୍ତ ଉଭୟ ବ୍ଲକର ସଂଯୋଗୀକରଣ ଭଳି ସାମୁହିକ ସମସ୍ୟା ସମାଧାନ ପାଇଁ ଦାବି ପତ୍ରରେ ଅବଗତ କରାଇଛନ୍ତି । ବିଧାନସଭା ଅଧିବେଶନ ସରିବାପରେ ଆସିଥିବା ସମସ୍ତ ଅଭିଯୋଗ ସମାଧାନ ପାଇଁ ନିଶ୍ଚିତ ଉଦ୍ୟମ କରିବି ବୋଲି ବିଧାୟକ କହିଛନ୍ତି । ଖଜୁରୀପଡା ବ୍ଲକର କିଛି ପ୍ରମୁଖ ସମସ୍ୟା ସମାଧାନ ପାଇଁ ଜିଲ୍ଲା ବିଜେପି ସମ୍ପାଦକ ମନୋଜ କୁମାର ପଣ୍ଡା, ପୂର୍ବତ୍ତନ ଅନୁସୂଚିତ ଜାତି ଜିଲ୍ଲା ସଭାପତି ଅନନ୍ତ କୁମାର ଦିଗାଲ, ମଣ୍ଡଳ ସଭାପତି ଦଶରଥ ସାହୁ, ମଣ୍ଡଳ ସାଧାରଣ ସମ୍ପାଦକ ରଞ୍ଜନ କୁମାର କହଁର, ଜିଲ୍ଲା ଯୁବ ମୋର୍ଚ୍ଚା ଉପ ସଭାପତି ରାଇ କିଶୋର ପ୍ରଧାନ, ବିଜୟ କୁମାର ସାହୁ ପ୍ରମୁଖ ଭୁବନେଶ୍ୱର ଗସ୍ତ କରି ବିଧାୟକଙ୍କୁ ଦାବିପତ୍ର ପ୍ରଦାନ କରିଛନ୍ତି ।
Comments are closed.