ସମାଜ ଡିଜିଟାଲ ଡେସ୍କ: ମଙ୍ଗଳବାର କାମାୟନି ଏକ୍ସପ୍ରେସ ଟ୍ରେନରେ ବୋମା ଥିବା ବିଷୟରେ ସୂଚନା ପାଇବା ପରେ ଅନେକ ଯାତ୍ରୀ ଓ ରେଳ ବିଭାଗରେ ଆତଙ୍କ ଖେଳିଯାଇଥିଲା । ଟ୍ରେନରେ ବୋମା ବିସ୍ଫୋରଣ ହେବ ଖବର ପାଇବା ପରେ ଟ୍ରେନଟି ତୁରନ୍ତ ଉତ୍ତରପ୍ରଦେଶର ଜଙ୍ଘାଇ ଷ୍ଟେସନରେ ଅଟକା ଯାଇଥିଲା । ଘଟଣା ସ୍ଥଳରେ ତଦନ୍ତ ପାଇଁ ପ୍ରୟାଗରାଜରୁ ବମ୍ ସ୍କ୍ୱାର୍ଡ ପହଂଚିଥିଲା । ଏହାସହିତ ସ୍ପେଶାଲ ଡଗ୍ ସ୍କ୍ୱାର୍ଡକୁ ନେଇ ପୁଲିସ ମଧ୍ୟ ଟ୍ରେନରେ ଛାନଭିନ ଆରମ୍ଭ କରିଥିଲା ।
ମିଳିଥିବା ସୂଚନା ଅନୁଯାୟୀ ମଙ୍ଗଳବାର ସନ୍ଧ୍ୟା ୬ଟା ସମୟରେ ଏହି ଘଟଣା ଘଟିଥିଲା । ୟୁପିର ବାରାଣସୀରୁ ମହାରାଷ୍ଟ୍ରର ମୁମ୍ବଇ ଅଭିମୁଖେ ଟ୍ରେନଟି ଯାଉଥିବା ବେଳେ କଣ୍ଟ୍ରୋଲ ରୁମରେ ଏକ ଅଜଣା ଫୋନ୍ କଲ ଆସିବାରେ ଟ୍ରେନଟି ଜଙ୍ଘାଇ ଷ୍ଟେସନରେ ଅଟକିଥିଲା । କଲ କରିଥିବା ଅଜଣା ବ୍ୟକ୍ତି କହିଥିଲେ ଯେ ‘କାମାୟନି ଏକ୍ସପ୍ରେସରେ ଏକ ବୋମା ରଖାଯାଇଛି । ଟ୍ରେନକୁ ଅଟକାଅ ନଚେତ ବିସ୍ଫୋରଣ ହେବ’ । ଏହାରେ ଟ୍ରେନରେ ବମ୍ ସ୍କ୍ୱାର୍ଡ ଓ ପୁଲିସ ପକ୍ଷରୁ ତନତନ କରି ଯାଞ୍ଚ କରାଯାଇଥିଲା । ହେଲେ ୨ଘଣ୍ଟା ଧରି ଯାଞ୍ଚ କରିବା ପରେ କିଛି ବି ପାଇନଥିଲେ ବମ୍ ସ୍କ୍ୱାର୍ଡ । ୨ଘଣ୍ଟା ପରେ ଏହା ଗୁଜବ ଜଣାପଡିବା ପରେ ଟ୍ରେନ ଚଳାଚଳ ହୋଇଥିଲା ।
ଟ୍ରେନକୁ ଅଟକାଅ ନଚେତ ବିସ୍ଫୋରଣ ହେବ: ଲୋକେ ଆତଙ୍କିତ
Popular Categories
Previous article
Next article