କାମାକ୍ଷାନଗର: କାମାକ୍ଷାନଗର ଉପଖଣ୍ଡ ଭୁବନ ଥାନା ଅନ୍ତର୍ଗତ ବରୁଆଁ ପ୍ରାଥମିକ ସ୍ୱାସ୍ଥ୍ କେନ୍ଦ୍ର ପଛ ପାଖ କାଜୁ ଜଙ୍ଗଲରୁ ଜଣେ ନିଖୋଜ ଯୁବକଙ୍କ ଗଳିତ ମୃତଦେହକୁ ପୁଲିସ ଉଦ୍ଧାର କରି ବ୍ୟବଚ୍ଛେଦର ବ୍ୟବସ୍ଥା କରିଥିବା ଜଣାଯାଇଛି। ମୃତକ ଜଣକ ହେଲେ ପଳାସ ପିଠିଆଗୋଡ଼ା ପଞ୍ଚାୟତର ଚମ୍ପାନାଳିଆ ଗ୍ରାମ ନାୟକ ବସ୍ତିର ବସନ୍ତ ନାୟକ। ବସନ୍ତ ଗତ ୨୦ ଦିନ ଧରି ନିଖୋଜ ଥିଲେ। ବରୁଆଁ ସ୍ୱାସ୍ଥ୍ୟକେନ୍ଦ୍ର ପଛ ପାଖ କାଜୁ ବଗିଚାରୁ ସନ୍ଧ୍ୟାରେ ଗନ୍ଧ ଆସୁଥିବାରୁ କେତେକ ଗ୍ରାମବାସୀ ସେଠାକୁ ଯାଇ କାଜୁ ଗଛରେ ଝୁଲନ୍ତା ଅବସ୍ଥାରେ ଏକ ମୃତଦେହ ଦେଖି ପୁଲିସକୁ ଖବର ଦେଇଥିଲେ। ଖବର ପାଇ ପୁଲିସ ଶୁକ୍ରବାର ପୂର୍ବାହ୍ନରେ ସାଇଣ୍ଟିଫିକ୍ ଟିମ୍ ସହିତ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦର ବ୍ୟବସ୍ଥା କରିଛି।
Comments are closed.