ଶାଗ, ମାଛ ଦରରେ ଜମି ମାଗୁଛି ରେଲୱେ ; ତହସିଲଦାରଙ୍କୁ ଲିଖିତ ଅଭିଯୋଗ
![](https://samajalive.in/wp-content/uploads/2025/01/55-5-750x430.jpg)
କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଶିକରପାଇ ଗ୍ରାମପଞ୍ଚାୟତ ଅଧିନସ୍ଥ ଭାଲୁମସ୍କା ଗ୍ରାମର ପଟ୍ଟାଜମି ଥିବା ଦୁଇ ଜଣଙ୍କ ଜମିକୁ ପୂର୍ବତଟ ରେଳପଥ ଶାଗ ମାଛ ଦରରେ ନେଉଥିବା ଯୋଗୁଁ ତହସିଲଦାର ରଞ୍ଜନ କୁମାର ମାନସେଠଙ୍କୁ ଲିଖିତ ଅଭିଯୋଗ ହୋଇଛି।
ଦ୍ୱିତୀୟ ରେଳ ଲାଇନ ପାଇଁ ପୂର୍ବତଟ ରେଳ ଲାଇନ ହେଉଥିବା ସମୟରେ ଯେଉଁ ମାନଙ୍କର କମ ଜମି ଅଛି ତାଙ୍କ ଜମି ଉପରେ ଲାଇନ ଯାଉଛି। ସେହି ଲୋକମାନଙ୍କୁ ବହୁ ପରିମାଣରେ ଟଙ୍କା ଦିଆଯାଇଛି। ଏହି ଦୁଇ ପରିବାରର ଜମିର ପଟ୍ଟା ଧାରୀଙ୍କୁ ସେହି ଲୋକଙ୍କ ଠାରୁ କମ ଟଙ୍କା ଦିଆଯାଇଛି। ତେଣୁ ଉକ୍ତ ପଟ୍ଟା ଜମିକୁ ଦେବୁ ନାହିଁ, ରେଳବିଭାଗ ପକ୍ଷରୁ ଦେଇଥିବା ଟଙ୍କାକୁ ଫେରସ୍ତ କରିଦେବୁ ବୋଲି ଉଲ୍ଲେଖ କରିଛନ୍ତି। ରେଳ ବିଭାଗ ଜୋର ଜବରଦସ୍ତ କାର୍ଯ୍ୟ କଲେ ଅଶାନ୍ତ ପରିବେଶ ସୃଷ୍ଟି କରିବାକୁ ବାଧ୍ୟ ହେବୁ ବୋଲି ହିକକା ମାଗି, ପ୍ରାସ୍କା କୁମ୍ଭ,ପ୍ରାସ୍କା ନିଲ ,ହିକକା ଜାଣ୍ଡୁ, ଜିଲ ହିକକା ପ୍ରମୁଖ ଉଲ୍ଲେଖ କରିଛନ୍ତି। ଏହାକୁ ନେଇ ତହସିଲଦାର ରଞ୍ଜନ କୁମାର ମାନସେଠ କହିଛନ୍ତି ବର୍ତ୍ତମାନ ବିଳମ୍ବ ହୋଇଛି,ତଥାପି ଚେଷ୍ଟା କରିବା ବୋଲି ପ୍ରତିଶ୍ରୁତି ଦେଇଛନ୍ତି।
![prayash](https://samajalive.in/wp-content/uploads/2024/12/prayash.jpg)
![kalyan agarbati](https://samajalive.in/wp-content/uploads/2025/01/kalyani-adv.jpg)
Comments are closed.