ନୂଆଦିଲ୍ଲୀ : ବର୍ତ୍ତମାନ ସମୟରେ ବିଜୁଳି ବିଲ୍ ଲଗାତାର ବୃଦ୍ଧି ପାଉଥିବା ଦେଖାଯାଉଛି। ଯାହା ସଭିଁଙ୍କ ମୁଣ୍ଡ ବିନ୍ଧାର କାରଣ ପାଲଟିଛି। ତେବେ କିଛି ସହଜ ଉପାୟ ସହ ଏଲଇଡି ବଲ୍ବର ବ୍ୟବହାର ଦ୍ୱାରା ବିଜୁଳି ବିଲ୍ କମ କରାଯାଇପାରିବ। କାରଣ ଅନେକ ଥର ଛୋଟ ଛୋଟ ଭୁଲ୍ କାରଣରୁ ବିଜୁଳି ବିଲ୍ ଅଧିକ ଦେବାକୁ ପଡିଥାଏ। ଜାଣନ୍ତୁ ଏଭଳି କେତେକ ସହଜ ଉପାୟ ବିଷୟରେ ଯାହା ସାହାଯ୍ୟରେ ଖରାଦିନରେ ମଧ୍ୟ ବିଜୁଳି ବିଲ୍ ଅଧା ହୋଇଯିବ।
ବିଜୁଳି ବିଲ୍ କମ୍ କରିବାକୁ ଇଚ୍ଛୁକ ଥିଲେ, ନନ୍-ଇନଭର୍ଟର ଏସି ବଦଳରେ ଇନଭର୍ଟର ଏସି ବ୍ୟବହାର କରନ୍ତୁ। ଇନଭର୍ଟର ଏସି ସାଧାରଣ ଏସି ତୁଳନାରେ କମ୍ ବିଜୁଳି ଖର୍ଚ୍ଚ ହୋଇଥାଏ । ଇନଭର୍ଟର ଏସି ଆବଶ୍ୟକ ଅନୁଯାୟୀ, କମ୍ପ୍ରେସର ସ୍ପିଡ୍କୁ ନିୟନ୍ତ୍ରଣ କରିଥାଏ । ଫଳରେ ବିଜୁଳି ବିଲ୍ କମ୍ ହୋଇଥାଏ ।
ବିଜୁଳି ବିଲ୍ କମ୍ କରିବା ପାଇଁ ଆବଶ୍ୟକ ସମୟରେ ହିଁ ଫ୍ୟାନ୍ ଲଗାନ୍ତୁ । ଘରୁ ବାହାରକୁ ଗଲେ ଫ୍ୟାନ୍ ଲଗାନ୍ତୁ ନାହିଁ । ଏହାକୁ ନିୟମିତ ସଫା କରନ୍ତୁ । ଆବଶ୍ୟକ ନହେଲେ ଏସି ଓ ଫ୍ୟାନ୍କୁ ଏକାସହ ଲଗାନ୍ତୁ ନାହିଁ । ଫ୍ୟାନ ଅପରିଷ୍କାର ରହିଲେ ଅଧିକ ବିଜୁଳି ବ୍ୟବହାର ହୋଇଥାଏ ।
ବିଶେଷ କରି ଖରାଦିନେ ମାଇକ୍ରୋବେବ୍ ବ୍ୟବହାର କରନ୍ତୁ ନାହିଁ । ନଚେତ୍ ଖୁବ୍ କମ୍ ବ୍ୟବହାର କରନ୍ତୁ । ଅନ୍ୟ ବୈଦ୍ୟୁତିକ ଉପକରଣ ଗୁଡିକ ବ୍ୟବହାର କରିବା ମାତ୍ରେ ଏହାକୁ ବନ୍ଦ କରନ୍ତୁ । ଫୋନ୍ ଚାର୍ଜ ପରେ ସୁଇଚ୍ ଅଫ୍ କରନ୍ତୁ ।
୫୭ ବର୍ଷ ପରେ ୬ ଶକ୍ତିଶାଳୀ ଗ୍ରହଙ୍କ ବିଶେଷ ସଂଯୋଗ ; ଏହି ରାଶି ହେବେ ମାଲାମାଲ୍, ବଢିବ ଧନ,ବ୍ୟବସାୟ..
ଦେଖନ୍ତୁ ଭିଡିଓ ; ଦେବଦୂତ ସାଜିଲେ ମହିଳା କନେଷ୍ଟବଳ, ଚଳନ୍ତା ଟ୍ରେନ୍ରୁ ଏମିତି ବଞ୍ଚାଇଲେ ବୃଦ୍ଧଙ୍କ ଜୀବନ..
