ଶ୍ରୀ ଜଗନ୍ନାଥଙ୍କ ମତ୍ସ୍ୟ ଅବତାର

କଲ୍ୟାଣସିଂହପୁର : ରାୟଗଡା ଜିଲା କଲ୍ୟାଣସିଂହପୁର ବ୍ଲକରେ ଶ୍ରୀ ଜଗନ୍ନାଥଙ୍କ ମତ୍ସ୍ୟ ଅବତାର ଦେଖିବା ପାଇଁ ଭକ୍ତଙ୍କ ଭିଡ଼ ଲାଗିଥିବା ଦେଖିବାକୁ ମିଳିଛି । ଶ୍ରୀ ଜଗନ୍ନାଥ ,ଭାଇ ବଳଭଦ୍ର ଭଉଣୀ ସୁଭଦ୍ରାଙ୍କୁ ନେଇ ମାଉସୀ ଗୁଣ୍ଡିଚାରାଣୀଙ୍କ ଘରକୁ ଆସି ପ୍ରଥମ ଦିନରେ ଶ୍ରୀ ଜଗନ୍ନାଥ ମତ୍ସ୍ୟ ଅବତାର ଧାରଣ କରିଛନ୍ତି । ଆଜି ସକାଳୁ ସେବାୟତ ମାନେ ଶ୍ରୀଜୀଉଙ୍କୁ ସକାଳୁ ଅବକାଶ ନୀତି,ପୂଜାପାଠ କରିବା ପରେ ସେବାୟତ ମାନେ ଶ୍ରୀ ବଳଭଦ୍ର, ମାଆ ସୁଭଦ୍ରାଙ୍କୁ ସଜ କରିବା ପରେ ଶ୍ରୀ ଜଗନ୍ନାଥଙ୍କୁ ମତ୍ସ୍ୟ ଅବତାର ସୁସଜ୍ଜିତ କରିଥିଲେ । ପୁଣି ଧୂପଦୀପ, ନୈବେଦ୍ୟ ପରେ ଦ୍ୱାର ଖୋଲା ଯାଇଥିଲା । ଏହି ଅବତାରକୁ ଦର୍ଶନ କରିବା ପାଇଁ ପ୍ରବଳ ଭକ୍ତଙ୍କ ଭିଡ଼ ଲାଗିଥିଲା ।ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମର ବ୍ୟବସ୍ଥା ରହିଥିବା ମନ୍ଦିର ପରିଚାଳନା କମିଟିର ସଭାପତି ନରସିଂହ ପାଢ଼ୀ କହିଛନ୍ତି ।