କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରକୁ ରାଜ୍ୟସ୍ତରୀୟ ସ୍ୱାସ୍ଥ୍ୟ ଅଧିକାରୀ ଦଳ ସୋମବାର ଗସ୍ତ କରିଥିଲେ । ରାଜ୍ୟସ୍ତରୀୟ(ଏଡିବିସି) ଜୋନାଲ ଡ଼ାଇରେକ୍ଟର ଡାକ୍ତର ଜୀବନ ବି ସାରଙ୍ଗୀଙ୍କ ନେତୃତ୍ବରେ ଆୟୁଷ ମୁଖ୍ୟ ଅଧିକାରୀ(କଂସୁଲଟାଣ୍ଟ) ପୀୟୂଷ ରଞ୍ଜନ ମହାନ୍ତି, (ସି୪ଡି) ୟୁନିସେଫ ୪ ଡି କଂସୁଲଟାଣ୍ଟ ଚକ୍ରଧର ସାହୁ, ରାୟଗଡା ଏମ୍ କ୍ୟୁ ଏ ର ବି କେ ସାଗରିକ,ଏମ୍ ସି ପିର ରାଜଲକ୍ଷ୍ମୀ ମହାନ୍ତି ଗସ୍ତ କରିଥିଲେ । ଏଥିରେ ସ୍ୱାସ୍ଥ୍ୟକେନ୍ଦ୍ରରେ ପରିଷ୍କାର ପରିଚ୍ଛନ୍ନତା, ରୋଗୀସେବା, ବର୍ଜ୍ୟବସ୍ତୁର ସୁପରିଚାଳନା, ପାରିପାର୍ଶ୍ବିକ ପରିଚ୍ଛନ୍ନତା ବିକାଶ, ସ୍ୱାସ୍ଥ୍ୟକେନ୍ଦ୍ରର ପ୍ରତ୍ୟେକ ୱାର୍ଡ ପରିଦର୍ଶନ କରି ରୋଗୀଙ୍କ ସହିତ କଥାବାର୍ତ୍ତା କରିଥିଲେ। କର୍ମଚାରୀଙ୍କ ସେବା ଗୁଣବତ୍ତା ବୁଝିଥିଲେ । କର୍ମଚାରୀଙ୍କ କାର୍ୟ୍ୟଦକ୍ଷତା ପରଖି ବୁଝିଥିଲେ । ସ୍ୱାସ୍ଥ୍ୟକେନ୍ଦ୍ରରେ କଣ ଉନ୍ନୟନମୂଳକ କାର୍ଯ୍ୟ କଲେ ରୋଗୀ ସେବାରେ ଉନ୍ନତି ହୋଇପାରିବ ସେନେଇ ଆଲୋଚନା କରିଥିଲେ। ନଥିପତ୍ର ଯାଞ୍ଚ କରି ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରର ସମସ୍ତ ଜିନିଷପତ୍ର ଟିକିନିଖି ଭାବେ ପରଖି ଦେଖିଥିଲେ । ସ୍ୱାସ୍ଥ୍ୟକେନ୍ଦ୍ରର ଡାକ୍ତର ଚିନ୍ମୟ ଲିମା, ଡାକ୍ତର ପ୍ରମୋଦ କୁମାର ମିଶ୍ର, ଡାକ୍ତର ସୌମ୍ୟରଂଜନ ଜେନା, ବିପିଏମ କୈଳାସ କୁମାର ନାୟକ, ବିଇଇ ଶ୍ୟାମସୁନ୍ଦର ମାଝୀ, ଜମ୍ପାଉଣ୍ଡର ରାଧାମୋହନ ସାହୁଙ୍କ ସମେତ ସ୍ୱାସ୍ଥ୍ୟକେନ୍ଦ୍ରର ସମସ୍ତ କର୍ମଚାରୀ ଉପସ୍ଥିତ ରହିଥିଲେ । ସମସ୍ତ କର୍ମଚାରୀ ନିଜ ନିଜ ୟୁନିଫର୍ମ ପରିଧାନ କରିବା ସହ କରୋନା ପାଇଁ ମୁଖରେ ତୁଣ୍ଡି, ସାମାଜିକ ଦୂରତା ଓ ସାନିଟାଇଜ ବ୍ୟବହାର କରିଥିଲେ ।
Popular Categories
Previous article
Next article